«Хатас – Павловскай» кыһыҥҥы суолунан 10 т диэри көҥүллэннэ

Ахсынньы 8 күнүттэн Хатас – Павловскай хайысханан кыһыҥҥы суолунан 10 туоннаҕа диэри уйуктаах тиэхиньикэ сырыыта көҥүллэннэ.

Санатар буоллахха, өрүһүнэн кыһыҥҥы суолунан көҥүлэ суох айан-сырыы иһин административнай эппиэтинэс баар. Ол курдук, СӨ КоАП 9.10 ыст.: гражданнарга – 3 тыһыынчаттан 5 тыһ. солк. диэри ыстараап; дуоһунастаах сирэйдэргэ – 20 тыһыынчаттан 50 тыһ. солк. диэри ыстараап; юридическай сирэйдэргэ – 100 тыһ. солкуобайтан 1 мөлүйүөн солкуобайга диэри ыстараап. Бу туһунан Дьокуускай куорат Олохтоох дьаһалтатын Гражданскай оборонаҕа уонна ыксаллаах быһыыга-майгыга управлениета иһитиннэрэр.