Хас сэттис хампаанньа сарбыйыыга бэлэмнэнэр

Үлэтэ суох буолуу таһыма намыһах (2,3%) кэмигэр, хас сэттис хампаанньа штаты сарбыйар былааннаах. Teachbase хампаанньа төрүттээччитэ, генеральнай дириэктэрэ Владимир Щербаков ыыппыт чинчийиитигэр олоҕуран, туох үлэһиттэри ордук уураталларын кэпсээбит.

Бастатан туран, каадыры салайыы исписэлиистэрэ, орто сүһүөх офис үлэһиттэрэ уонна үрдүк хамнастаах орто таһымнаах исписэлиистэр сарбыйыыга түбэһэллэр. Ол кэмҥэ илии үлэтин уонна техническэй сатабылы эрэйэр эйгэлэргэ каадыр тиийбэт кыһалҕата син биир баар: холобур, квалификациялаах оробуочайдар, инженердэр, быраастар, кибербезопасность исписэлиистэрэ, курьердар уонна ыскылаат үлэһиттэрэ. Ордук ирдэнэр идэлээхтэр бырамыысыланнас, массыына оҥоруутун, тутуу уонна ОДьКХ салаатыгар тиийбэттэр.

«Осторожно новости» Telegram-ханаал иһитиннэрбитинэн, аналитиктар сэрэтэллэринэн, уопута суох эдэр исписэлиистэргэ үлэни булуу уустук буолуоҕа. Ону тэҥэ, 45 саастарыттан аҕа саастаах, аныгы ирдэбилгэ сөп түбэһэн, саҥа соруктары баһылыыр кыаҕа суох үлэһиттэр ууратыллар кутталлаахтар.