Хас да светофорга суолу сатыы туоруур эрэсиим уларыйда

Билиҥҥитэ бу эрэсиим холоон көрүү быһыытынан үлэлиир. Ол курдук, уулуссаны сатыы туоруур саҥа эрэсиим куорат түөрт, саамай элбэх сырыылаах, ол иһин ордук элбэх суол саахала тахсар учаастактарыгар турар светофордарга холбонно:

• Петр Алексеев уул. — Поярков уул.

• Петр Алексеев уул. — Орджоникидзе уул.

• Лермонтов уул. — Киров уул.

• Лермонтов уул. — Свердлов уул.

Ыйыллыбыт уулуссалар быһа охсуһууларыгар турар светофордарга күөх уот тэҥинэн холбонор, ону кытта тырааныспар сырыыта барыта тохтуур. Бу быраабыла тиэхиньикэ уонна сатыы дьон суолу былдьаһар балаһыанньаларын устар аналлаах. Маннык быһаарыыны суолга сэрэхтээх буолууну хааччыйар биэдэмистибэлэр икки ардыларынааҕы хамыыһыйа ылыммыт.

Холоон көрүү эрэсиимэ тохсунньу ый бүтүөр диэри үлэлээбитин кэннэ сыанабыл оҥоһуллуоҕа, диэн t.me/ProAvtobusYkt иһитиннэрэр.