Хас биирдии киһи аҕыс быһыыны хайаан да оҥорторуохтаах

«Олоҕуҥ бастакы күннэригэр сэллик уонна гепатит B утары быһыылары туруораллар. Онтон коклюш, дифтерия, столбняк, полиомиелит, кыһыл уоспа утары быһыылар кэлэллэр. Бу — уһун сылларга иммунитеттаах буоларга көмөлөһөр, олоххо-дьаһахха тыын суолталаах быһыылар», — диэн Роспотребнадзор салайааччыта Анна Попова РИА Сонуннарыгар кэпсээбит.

Быһыыны ылыах иннинэ хайаан да бырааһы кытта сүбэлэһэр наада. Эмчит доруобуйа туругун көрүөҕэ, туох хааччахтааһыннар баалларын быһаарыаҕа уонна сааскыттан, мэдиссиинэ историятыттан уонна эпидемиологическай балаһыанньаттан көрөн, сөптөөх быһыыны талыаҕа.

Кини эппитинэн, Арассыыйаҕа сыл аайы грипп утары быһыыны оҥороллор. Ол түмүгэр дойдуга ыалдьыы таһыма атын дойдулары кытта тэҥнээтэххэ, намыһах.

Ол гынан баран, билигин учуонайдар бүтүн аан дойду үрдүнэн кэтээн көрөр вирустара — грипп. Маны таһынан, кыыллартан дьоҥҥо бэриллэр (зоонознай) вирустар улахан кутталы үөскэтэллэр. Манна Эбола, коронавирус, хантавирустар, Сибиир язвата, ииригирии (бешенство), клещ энцефалита уо.д.а. киирэллэр.

Сэрэтэр быһыылары ылартан аккаастаныы гражданнарга холуобунай эбэтэр административнай эппиэтинэһи сүктэрбэт.