Харчыны ыытыыны от ыйын 1 күнүттэн “бэлиэтиэхтэрэ”

От ыйын 1 күнүттэн саҕалаан Түргэн төлөбүр систиэмэтинэн (СБП) бары харчы көһөрүүтэ нолуок төлөөччү идентификационнай нүөмэринэн (ИНН) “цифровая” метка” бэлиэтэниэҕэ. Онно хас харчы ыытыы ахсын идентификационнай нүөмэри илиинэн киллэриэхтэрэ суоҕа — бааннар маны бэйэлэрэ быһаарыахтара. Бу туһунан Москваҕа уонна Москва уобалаһыгар Сокуон уонна бэрээдэк киинин салайааччыта Александр Хаминскай эттэ.

“ИНН киллэрэр наадата суох буолуоҕа. Бааннар бу иһитиннэриини эрдэттэн тутан олороллор уонна төлөбүр ыытарга автоматически киллэриэхтэрэ. Онон СБП төлөбүр докумуоннарыгар ИНН-ы көрдөрөр эппиэтинэс килийиэннэргэ буолбакка, бааннарга сүктэриллэр”, - диэн бэлиэтээтэ.

Бу ирдэбил биирдиилээн дьоҥҥо уонна тэрилтэлэр транзакцияларыгар дьайыаҕа. Баан сыһыарыытыгар ыытааччы ИНН нүөмэрэ туох эмэ биричиинэнэн суох буоллаҕына эрэ, реквизиттэрин саҥардыан наада.