Хараҕы оннугар түһэрии босхо буолуоҕа

«Арассыыйаҕа катарактаҕа харах бэйэтин хрусталигын солбуйар «Ясень» диэн дойдуга оҥоһуллубут интраокулярнай линзаны оҥоруу саҕаланна. Кини НМИЦ МНТК «Микрохирургия глаза» С.Н. Федоров Арассыыйатааҕы Доруобуйа харыстабылын баазатыгар оҥоһуллар», — диэн министиэристибэ иһитиннэриитин «Интерфакс» суруйар.

Бастакы түһүмэххэ сылга 12 тыһыынча линзаны оҥоруу былааннанар. Салгыы бу кээмэйи 25 тыһыынчаҕа диэри улаатыннарыахтара.

Линза харах мөлтөхтүк көрөр хрусталигын ылан баран ол оннугар угарга аналлаах. Эпэрээсссийэ кэнниттэн пациеннар ачыкы кэтэллэриттэн аккаастаныахтарын сөп. Катаракталаах уонна сааһынан ырааҕы көрбөт (дальнозоркость) буолбут гражданнарга, линза ырааҕы уонна чугаһы көрөргө кыаҕы биэриэҕэ.

Доруобуйа харыстабылын министиэристибэтэ иһитиннэрэринэн, бу медицинскэй оҥоһук клиническэй тургутуу толору түһүмэҕин ааспыт уонна пациеннарга киэҥник туһанылларга бэлэм.