Хапытаалынай өрөмүөн иһин усунуоһу ханна төлүүбүт?

Бу сааскыттан «Якутскэнергосбыт» каассаларыгар усунуоһу ылыы тохтоон турар. Куорат олохтоохторо ханна, хайдах төлүүбүт диэн билиҥҥэ диэри ыйыталаһалларын үгүстүк истэбит.

СӨ Элбэх кыбартыыралаах дьиэлэрин Хапытаалынай өрөмүөнүн пуондата усунуоһу төлүүр хас да ньыма баарын иһитиннэрэр.

Хамыыһыйата суох төлөбүр ньымалара:

- Пуонда официальнай саайтын нөҥүө – Fondkr.ru  (сүрүн сирэйгэ «Оплатить капремонт» диэн салааны баттыыгыт, регистрацията суох төлүөххэ сөп, лицевой счет нүөмэрэ (ону «Узнать свой лицевой счет» салааҕа киирэн билиэххэ сөп), электроннай аадырыс ирдэнэр);

- «Арассыыйа почтатын» салааларыгар тиийэн (болҕойуҥ, төлөбүрү уу харчынан эрэ ылаллар);

- «Сбербанк-Онлайн» сыһыарыы нөҥүө;

- «ВТБ-Онлайн» сыһыарыы нөҥүө.

Хамыыһыйалаах төлөбүр ньымалара:

- «Квартплата+» сыһыарыы нөҥүө;

- РКЦ ЖКХ каассаларын нөҥүө (Дьокуускай куоракка аадырыстара: Киров уул., 18, В блок, 2 этээс; Каландаришвили, 40/1А; Чехов уул., 34; Петр Алексеев уул., 14/1А; Михаил Николаев пр., 13/1К, 1 тутуу;

- РКЦ ЖКХ-Жатай каассатын нөҥүө.