18.03.2022 | 19:00

Ханнык VPN туруоруохха сөбүй?

Тустаах саайтарга киирэр судургу ньымалар
Ханнык VPN туруоруохха сөбүй?
Ааптар: Айталина Софронова
Бөлөххө киир

ProtonVPN

Ханнык гаджетка үлэлиирий: Android, iOS, Windows, macOS, GNU/Linux, Chromebook, AndroidTV

Бу сервиһи ЦЕРН киин учуонайдара оҥордулар. Саайтка этиллэринэн, кини конфиденциальнай быһаарыылаах (ону анал код бигэргэтэр) ыйытыылардаах туһанааччыларга куттала суох. Ол курдук, VPN ханнык саайтка киирбиккитин, тугу көрбүккүтүн, ханнык улууска эбэтэр куоракка олороргутун көрдөрбөт уонна биирдиилээн туһанааччылар тус дааннайдарын тас дойдуга атыылаабат.

Босхо версия биир эрэ гаджетка үлэлиир кыахтаах. Кини 48 серверга үс араас дойдуга холбонор кыахтаах. Түргэнэ хааччахтаннар да, ону-маны, буолары-буолбаты, улахан кээмэйдээҕи хачайдаабат буоллаххытына, табыгастаах, түргэн. Хаартыска угарга, видео көрөргө барсар. Трафига эмиэ хааччахтаммат. Ол эбэтэр босхо версията уһуннук сулууспалыыр.

Төлөбүрдээх версията тугунан ордугуй: манна хас даҕаны тарыыптаах. Холобура, биир ыйга 4 евро харчыга тутатына икки гаджеты тэҥинэн холбуохха сөп  (400+ серверга 40+ дойдуну хабар). Ону сэргэ араас рекламаны бопсор.

Windscribe

Ханнык гаджетка үлэлиирий: Android, iOS, Blackberry Windows, macOS, Linux, браузердар

Смартфоҥҥа уонна көмпүүтэргэ реклама тахсыытын хааччахтыыр уонна блоктаах саайтары арыйар. Босхо версията (light) биир ыйга 10 ГБ кыайар, оттон мобильнайа — 2 ГБ эрэ. Бу VPN АХШ уонна Канада дойдуларыгар хаппат.

Өскөтүн толору VPN-ны туруоруоххутун баҕарбат буоллаххытына, интэриниэт браузердарыгар туһаныаххытын сөп. Ол курдук,  Chrome, Firefox, Opera уонна Microsoft Edge браузердары кыайар.

Speedtest

Ханнык гаджетка үлэлиирий: Android, iOS

Бу бырагырааманы үгүс киһи билэр. Ол гынан баран, сервиһи болҕойон көрдөххө, аллараа VPN диэн вкладканы булуохха сөп. Кнопканы баттаатахха, бырагыраама аҕыйах сөкүүндэнэн туһаныллар трафигы ааҕан барар. Араас саайтары, социальнай ситими барытын кыайар.

Билиҥҥитэ босхо версиятыгар хас да улахан хааччах баар. Бастатан туран, ыйга баара-суоҕа 2 ГБ бэриллэр. Иккиһинэн, система серверы бэйэтэ талар. Ол оннугар туттарга олус судургу, оннооҕор аҕам саастаахтар биир улахан кнопканы баттыахтарын эрэ наада.

 

Төлөбүрдээх версията тугунан ордугуй: Хааччаҕа суох туһанары мэктиэлиир уонна атын дойдуга сервери талар кыаҕы биэрэр. Бу VPN ыйга 399 солк.

1.1.1.1 (Warp)

Ханнык гаджетка үлэлиирий: Windows, macOS, Linux, iOS, Android

Сервиһи  Америкаҕа биллэр DNS-провайдер Cloudflare хампаанньа оҥорбут. Дьиҥинэн, бу VPN буолбатах, IP-аадырыһы эҥин кистээбэт. Ол да буоллар трафига үрдүк буолан дьон ордук туттар. Ол аата, бэл, Арассыыйаҕа сабыллыбыт саайтар барыта арыллаллар. Биһирэммэт өрүтэ – IP- аадырыһы тустаах уоргаҥҥа тиэрдэр.

Сервис туттарга олус судургу. Этэргэ дылы, биир кнопканы баттаатахха, барыта үлэлиир, сервер да наадата суох.

 

Төлөбүрдээх версията тугунан ордугуй: Ыйга 129 солк. харчыга түрэтиир.

 

Бу ыйыллыбыт сыһыарыылартан ханныгы баҕар хачайдааҥ уонна тус  дааннайбыт онно-манна тиийэн хаалыа диэн куттанымаҥ!

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!