Ханнык тэрилтэлэри өрөмүөн күүтэрий?

Чопчу Дьокуускайтан саҕалыыр буоллахха, СӨ Национальнай бибилэтиэкэтин кылаабынай куорпуһа, академик А.Н. Осипов аатынан хартыына галереята, Д.К. Сивцев-Суорун Омоллоон аатынан судаарыстыбаннай Опера уонна балет тыйаатыра, ону таһынан Былатыан Ойуунускай аатынан Саха тыйаатырын хоруобуйата (кровля) өрөмүөннэниэхтэрэ.

Улуустарга Анаабыр Сааскылааҕар Кыраайы үөрэтэр түмэл, Томпо Кириэс Халдьаайытыгар Дьоруой Федор Попов олорбут дьиэ-түмэлэ, Хаҥалас Покровскайыгар «Саргы түһүлгэтэ” култуура уонна норуот айымньытын дьиэтэ өрөмүөннэниэхтэрэ.

Суорун Омоллоон аатынан Опера уонна балет, Хоту сир аҕыйах ахсааннаах төрүт олохтоохторун тыйаатырдара 31,5 мөл. солк. суумалаах саҥа тэрилинэн-тээбиринэн хааччыллыахтара. Оттон Национальнай художественнай түмэли, аан дойдутааҕы Хомус киинин, түмэлин уонна Алданнааҕы историяны, кыраайы үөрэтэр мусуойу тэхиньиичэкэй өттүнэн хааччыйыыга 16 мөл. солк. көрүллүбүт.