Халтараантан хайдах харыстанабыт?

Сүрүн болҕомто – атах таҥаһыгар

Таһырдьа халтархай, килэҥ муус кэмигэр хобулук эбэтэр платформа кэтэр сэрэхтээх. Хобулук 3-4 см үрдүк буолбата ордук. Аны хаптаҕай уллуҥнаах, эбиитин тымныыга түгэҕэ тоҥор атах таҥаһыттан аккаастаныҥ. Ол оннугар кэтит тумсулаах, уллуҥа хатыылаах уонна түгэҕэ бөдөҥ, кыра ойуулаах (протектордаах) саппыкы эбэтэр бачыыҥка эрэбил.

Тэттик сүбэлэр

- Атах таҥаһын мастарыскыайыгар бачыыҥка (саппыкы) уллуҥар эрэһиинэ кыбытыгы кэтэртэриэххэ сөп.

- Эргэ саппыкы уллуҥун наждактаах кумааҕынан эбэтэр түөркэнэн аалан биэрэр үчүгэй дииллэр.

- Халыҥ уллуҥҥа бытархай сурууптары эрийэр үчүгэй.

- Спорт маҕаһыыннарыгар “ледоступ”, “ледоход” диэн атыыланар, ону ылынан кэтиҥ.

- Атаххыт таҥаһын харыстыыр буоллаххытына, саппыкыгыт эбэтэр бачыыҥкаҕыт таһынан х/б наскылары кэтиҥ. Биллэн турар, көстүүтэ куһаҕан, ол эрээри кырдьык туһалыыр.

- Хайыһар эбэтэр скандинавскай хаамыы хаалыгын илдьэ сылдьыҥ – бигэ тирэхтээх буолуоххут.

- Аҕам саастаах дьоҥҥо эрэһиинэ уһуктаах торуоска үчүгэй. 

Судургу албастар

Иһит сууйар губка

Поролонуттан хатыылаах өттүн ылыҥ уонна супер-килиэйинэн саппыкы (бачыыҥка) уллуҥар сыһыарыҥ. Биллэн турар, көстүүтэ куһаҕан, ол эрээри халтарыйар диэни умнуоххут.

Силиконовай герметикhttps://kiinkuorat.ru/articles/haltaraantan-haydah-harystanabyt-1

Истиэнэ быыһын самааскалыырга, тутууга туттуллар силиконовай герметиги туһаныахха сөп. Бастаан атаххыт таҥаһын уллуҥар ыһыҥ, онтон хаптаҕай инструменынан тарҕатыҥ. Эбэтэр ыраас уонна кураанах уллуҥҥа туочукалары ойуулааҥ. Халтараантан харыстыыр, ол эрээри сыаната ыарахан, өр буолбат, хатан сыттаах.  

Хоппуруон чулку

Саппыкы эбэтэр бачыыҥка таһынан кэтэҕит. Кырдьык, көрөргө күлүүлээх, ол эрээри доруобуйа туохтааҕар да күндү. Арай өр буолбата, көстө сылдьара куһаҕан.

Лейкопластырь

Кыра гына кырыйталаан, атаххыт таҥаһын уллуҥар сыһыарыҥ. Син көмөлөһөр эрээри, түргэнник илийэн, хоҥнон хаалар. Төһө өр сылдьыа биллибэт. Быһа холоон муҥутаабыта икки-үс күн буолуон сөп. Ол иһин пластыргытын утары сыһыаран иһэр курдук укта сылдьыҥ.

Наждактаах кумааҕы

Атаххыт таҥаһын уллуҥар наждактаах кумааҕыны супер-килиэйинэн сыһыарыҥ. Хатыыскалыы сатаатахха да охтубаккын. Бөдөҥ кыырпахтаах кумааҕы ордук өр туһалыаҕа.

Боолдьох

Эргэ хаатыҥка оһуттан боолдьох куһуоччуктарын быһан ылан, атах таҥаһын хобулугар уонна уллуҥар супер-килиэйинэн сыһыарыҥ. Суукка курдук туруоран куурдар ордук. Туһалыыр, ол эрээри аҕыйах күнүнэн боолдьох элэйэр.

Өссө элбэх сүбэни манна аах.