Халлаан туругуттан ыксаллаах быһыы-майгы үөскүөн, саахал тахсыан сөбүн иһитиннэрэллэр

Саха сиринээҕи УГМС иһитиннэрэринэн, муус устар 3 күнүгэр Томпо, Кэбээйи улуустарыгар хойуу хаар түһэрэ күүтүллэр. Оттон Дьокуускай куоракка уонна куорат чугаһыгар, ону тэҥэ Горнай, Хаҥалас, Нам, Чурапчы, Таатта, Уус Алдан, Алдан, Нерюнгри, Томпо, Кэбээйи, Өлүөхүмэ, Ленскэй, Бүлүү, Үөһээ Бүлүү улуустарыгар соҕуруулуу-арҕааттан тыалырара, тыал күүһүрэр кэмигэр сөк. 15-20 м түргэннээх буолара сылыктанар.  
Күн-дьыл билгэтин көрдөрүүтүгэр олоҕуран, күүстээх тыалтан уонна хойуу хаартан ыйыллыбыт территорияларга ититии, уотунан хааччыйыы уонна сибээс эбийиэктэригэр саахал (баҕана сууллуута, боруобат хатыһыыта) тахсар усулуобуйата үөскүөн сөп. Уот уһуннук барар түгэнигэр нэһилиэнньэни ититиинэн, уунан хааччыйыыга ыксаллаах быһыы-майгы үөскүүр куттала баар. Маны тэҥэ мөлтөх бөҕөргөтүүлээх кэтит форматтаах уонна эргэ конструкциялар күүстээх тыалтан, инчэҕэй хойуу хаартан сууллар кутталлаахтар.
Федеральнай, регионнааҕы уонна муниципальнай суолларга  харыы үөскүөн, быстах кэмнээх тырааныспар сырыытын хааччахтааһын буолуон сөп. Халлаан усулуобуйатыттан суол туруга мөлтөөн, суол саахала элбиир кутталлаах.

 РФ МЧС Саха сиринээҕи кылаабынай управлениетын иһитиннэриитинэн