Хаары тиэйтэриигэ туох ирдэнэрий?

«Киин куорат» ааҕааччыларга хаары хантан ким ыраастыыр, тиэйтэрэр, хаар анаалыһын ким туттарар эбээһинэстээҕин, сайаапканы ханна биэрэри, итини сэргэ быраабыланы кэһии иһин туох эппиэтинэс күүтэрин быһаарар:

Ким хантан тиэйиэхтээҕий?

«Якутдорстрой»: уулусса-суол ситимэ (суол, бордюр таһа, оптуобус тохтобула);

Управалар: кыбартааллар истэринээҕи хаар;

Салайар хампаанньалар уонна ТСЖ: элбэх кыбартыыралаах олорор дьиэлэр тиэргэннэрэ, сарай, кирилиэс, тротуар;

– Кэтэх ыаллар: тиэргэннэрин иһэ.

– Балыыһа, оскуола, уһуйаан курдук социальнай эбийиэктэр: курируйдуур биэдэмистибэлэр.

Хаар анаалыһын ким туттарар?

Тиэйиллибит хаары Сэбиэскэй Аармыйа 50 сыла уулуссаҕа баар полигон босхо тутар! Ол эрээри... туттарыллар хаарга анаалыс ирдэнэр. Чуолаан, тиэйтэрээччи «Якутдорстрой» АУо тэрилтэ аатыгар массыына нүөмэрин, анаалыс түмүгүн сыһыаран сайабылыанньа тиксэрэр.

Чааһынай сектордартан хаарга анаалыһа ирдэммэт.

Хаар химическэй анаалыһын оҥорор лабораториялар: 

Өрөспүүбүлүкэтээҕи экология мониторинын информационнай-ырытар киинэ: 202-с түөлбэ, 18/2, 2-с этээс (201 каб.), +7 (4112) 43‒62‒77, +7 (4112) 43‒65‒12;

Лабораторнай анаалыс уонна тэхиньиичэскэй кээмэй киинэ: Ленин пр., 35, 1 этээс, +7 (4112) 21‒96‒01

Лабораторнай анаалыс уонна тэхиньиичэскэй кээмэй киинэ: Ойуунускай уул., 6г, 2 этээс, +7 (4112) 36‒60‒88. 

Быраабыланы кэһии иһин ыстараап күүтэр

Тиэйтэриэх иннинэ хаары уулуссаҕа, көҥүлэ суох сиргэ кыстыыр көҥүллэммэт.

Тупсаҕайдык дьаһанан олоруу быраабылатын кэһии иһин СӨ КоАП 6.25 ыстатыйатынан сэрэтииттэн саҕалаан, харчынан ыстараапка диэри эппиэтинэс күүтэр:

- граждары – 1 000 солкуобайтан 3000 солк. диэри;

- дуоһунастаах сирэйдэри – 10 000 солк. саҕалаан 30 000 солк. диэри;

- юридическэй сирэйдэри – 50 000 солк. саҕалаан 500 000 солк. диэри.

Наадалаах төлөпүөннэр:

Хаары ыраастааһын, тиэйтэрии боппуруостарынан төлөпүөннэр:

ЕДДС (суукканы эргиччи үлэлиир): 44-45-64;

Колл-киин (09:00-18:00 чч.): 300-888.