Хаар уутун оборторуу күүһүрдэ

Куорат баһылыгын солбуйааччы Владислав Слепцов салайааччылаах сааскы санитарнай ыраастаныы ыстаабын сарсыарда аайы ыытыллар мунньаҕар управаларга уонна нэһилиэктэр дьаһалталарыгар хааччыллыыта суох дьиэлэр тиэргэннэригэр болҕомтону күүһүрдэргэ этилиннэ.
Уу халдьаларын паарынан ириэриигэ эппиэттээх «Якутдорстрой» АУо иһитиннэрбитинэн, уопсайа 57 км усталаах халдьа баарыттан бүгүҥҥү күҥҥэ 36 км ириэриллибит. Ааспыт нэдиэлэҕэ турбут тымныылар түмүктэригэр кэккэ уулуссаларга үлэ иккистээн ыытыллыбыт. 
Лотоктары ириэрии уу оборторор носуостары холбооһуну кытта тэҥҥэ ыытыллар. Бүгүҥҥү күҥҥэ 50 носуос баарыттан 25-һэ номнуо үлэлэтиллибит. 

Намыһах сирдэр ууларын оборторууга «Жилкомсервис» эппиэттээх. Муус устар саҥатыттан тэрилтэ күүһүнэн 16 350 куб. миэтэрэ иэннээх уу оборторуллубут. Аҥаардас ааспыт сууккаҕа 1700 куб. миэтэрэттэн тахса уу оборторуллубут, ону таһынал бүгүн сарсыарда – эбии 186 кубических метров. Тэрилтэ былааннаах үлэтин таһынан ЕДДС сайаапкаларынан үлэлиир. 
Үөрэх управлениетын чахчытынан, бүгүҥҥү күҥҥэ 10 үөрэх кыһатын таһыттан 32 тыһ. куб. миэтэрэттэн тахса иэннээх хаар уута оборторуллубут.

ЕДДС бэрэстэбиитэлэ бэлиэтээбитинэн, ааспыт сууккаҕа нэһилиэнньэттэн хаар уутун оборторууга 73 сайаапка киирбит. Сулууспалар киирбит сайаапкаларынан тутатына үлэлииллэр.
Санитарнай ыраастаныы ыстаабын салайааччыта, куорат баһылыгын солбуйааччы Владислав Слепцов хас биирдии сайаапканан үлэни күүһүрдэргэ, балаһыанньаны кытаанах хонтуруолга тутарга соруйда, диэн иһитиннэрэр Олохтоох дьаһалта пресс-сулууспата.