Хаһыаттар Ленин проспегын өрөмүөнүн суруйуо этигит

Бырайыактыыр докумуоннары оҥорууга, үбүн көрдөөһүнүгэр элбэх бириэмэ бардаҕа. Төһөлөөх элбэх чэртиэс, бырайыак, симиэтэ оҥоһуллубута буолуой? Харчытын ааҕыыта, үбүлээһинин туруорсуута!

Хас тыһыынча кв.м. аспаал хастаммыта, тиэллибитэ, хас тыһыынча куб.м. буор хостоммута уонна атын сиргэ кутуллубута, хас тыһ. погоннай миэтэрэ дьэбинирбит турба көтөрүрүллэн, хостонон ыраах илдьэн быраҕыллыбыта, төһөлөөх элбэх бытархай таас тиэллэн кэлэн кутуллубута, изоляционнай  матырыйаал, о.д.а. туттуллубута, 2 км усталаах, 10-тан ордук миэтэрэ кэтиттээх территорияҕа  устатынан-туоратынан ооҕуй ситимин курдук тардыллыбыт кабеллар, проводтар сир анныгар сытыйбат-ымыйбат гына оҥоһуллубут анал канавкаларга түһэриллибитэ буолуой! Кутуллубут аспаал  кв. км-нэн кэмнэннэҕэ. Үлүгэрдээх элбэх тутуу матырыйаала сакаастаннаҕа, тиэллэн кэллэҕэ уонна таҥылыннаҕа.

Дьокуускай куораппыт бу үйэлээх, историяҕа киирэр тутуутун «Киин куорат» хаһыат балайда сырдатта. Өрөспүүбүлүкэ атын даҕаны хаһыаттара, сонуну киэҥник тарҕатар тиһиктэрэ киин куораппыт сүрүн хорук тымырын, проспегын сурукка-бичиккэ киллэрдэхтэринэ сатанар. Маннык баараҕай тутууну ыытыыга туттуллубут матырыйааллары, ньымалары, албастары, уопуту атын тутааччылар, “Водоканал», ЖЭУ-лар туһаныа этилэр.