Хаһан уларытыахтаахпытый?

Иһит сууйар губка

Уһаабыта балтараа нэдиэлэ сулууспалыахтаах.

Дьиэҕэ саамай кирдээх мал. Унитаз олбоҕунааҕар ордук элбэх бактерия мунньуллар эбит. Оргуйбут уу даҕаны көмөлөспөт. Баҕар, көрүҥэ син аҕай, сыта ама да буоллун. Уон күнүнэн микробу тарҕатааччыга кубулуйар.

Мачаалка

Ыйы ыйдаан туттаргытын тохтотуҥ. Сылаас уонна сииктээх сиргэ туран бактерия уйаланар эбит. Төһө да сэнэх көстүүлэммитин иһин, уһаабыта биир ыйынан быраҕарга уолдьаһар.

Тиис суунар суокка

Үс ыйынан саҥаны ылыныҥ. Элэйэн хааллаҕына, микроб мустан, айах иһигэр ахсаана биллибэт буола элбиир.

Судургу быраабыла: дьыл кэмэ уларыйарынан сирдэтинэн уларытыҥ.

Дьиэҕэ кэтиллэр таапачыка

Үс ый буола-буола уларытыллыахтаах. Көлөһүн, бактерия мунньуллар. Наскыта суох сылдьыллар, атах көлөһүннэрэр. Таапачыка сууйуллубат. Онон үйэтэ да кылгас буолуохтаах.

Утуйар таҥас

Хас нэдиэлэ аайы сууйуллуохтаах. Түүн киһи этэ көлөһүннүрэр, онон утуйар таҥас улаханнык киртийэр. Сэттэ күнүнэн бырастыынаҕа быыл клещтэрэ олохсуйаллар.

Сыттык

Сыл аайы уларытыллыахтаах. Хаҕын буолбатах, сыттыгы бэйэтин. Сыл устата быыл клещтэрэ, көлөһүн уонна кир мунньуллар. Сууйан туһата суох. Уһуннук сулууспалаабыт сыттыкка киһи хараҕар көстүбэт үлүгэр элбэх үөн-көйүүр үөскүүр эбит.

 Уу иһэр бытыылка

Сылга биирдэ уларытыллар. Сууйа-сууйа сылдьыахха сөп дии саныыбыт да, оннук буолбатах. Пластикка уонна силикоҥҥа бактериялар быыкаа да хайдыыны булан олохсуйаллар. Төһө да сууй, бэриммэттэр.

Ис таҥас

6-12 ыйынан уларыйыахтаах. Төһө да сыаналаах, хаачыстыбалаах буоллун – микробтар таҥас быыһыгар саһалларын умнумаҥ.