Госдуума бээтинсэҕэ дьахталлар үлэлиир күннэрин икки чааска кыччатарга этии киллэрдэ

Дьахталларга орто хамнастарын быспакка эрэ, бээтинсэ үлэ күнүн икки чаас кылгатан олохтуур кыаҕы көрөргө көрдөһөбүн. Бу миэрэ судаарыстыбаннай тэрилтэлэргэ, судаарыстыбаннай уонна муниципальнай үлэһиттэргэ булгуччулаах буолуохтаах. Чааһынай тэрилтэлэр – бэйэлэрин быһаарыыларыгар”, – диэн Чернышов суруйбут.

Үлэ министиэристибэтин чахчытынан, дьахталлар ахсааннарынан дойдуга бары үлэһиттэртэн аҥаарын ылаллар. Арассыыйа дьахталларыгар үлэ нэдиэлэтэ ортотунан 37,2 чаас, бу 27 мүнүүтэнэн уһун, 2022 сыллааҕыга тэҥнээтэххэ. Эр дьоҥҥо үрдээһин түөрт эрэ мүнүүтэ.

Итини тэҥэ, Чернышов бэлиэтээбитинэн, Росстат чинчийиитэ көрдөрөрүнэн, дьахталлар дьиэ үлэтигэр уонна аймахтарын көрүүгэ-истиигэ күн аайы ортотунан 235 мүнүүтэни аныыллар, оттон 6-гар диэри саастаах оҕолоох дьахталлар үлэ күннэригэр 360 мүнүүтэни, субуотаҕа 392 мүнүүтэни атаараллар.

Парламентарий этэринэн, этиллибит хамсааһын дьахталлар толору сынньаналларыгар, дьиэ кэргэттэрин кытта бириэмэ атааралларыгар кыах биэриэҕэ.

Дьэ, бу этиини кэрэ аҥаардар туох дии саныыгыт, арааһа бары да сөбүлэһэрбит буолуо диэн эрэнэбин.