Госдуумаҕа уоппусканы уһатар туһунан этии киллэрдилэр

«Сыллааҕы төлөнөр уоппусканы 28 хонуктан 35-кэ диэри уһатар наада. Бу, холобур, уоппуска иһигэр «сүтэр» өрөбүллэри толуйар туһуттан оҥоһуллуохтаах», — диэн Госдуума дьокутаата Николай Новичков эттэ.

Билигин уоппусканы чаастарга араарыахха сөп, ол гынан баран кинилэртэн биирдэстэрэ 14 күнтэн итэҕэһэ суох буолуохтаах, ол аата түөрт өрөбүлү хабар. Түмүгэр, өрөбүллэри ааҕан туран, барыта 28 күн тахсар, — диэн парламентарий быһаарда.

Новичков уоппускаҕа өссө биир нэдиэлэни эбэргэ этии киллэрдэ. Кини санаатынан, бу 35 күҥҥэ үлэ уонна өрөбүл күннэрэ киириэхтээхтэр, оччоҕуна киһи толору сынньанар кыахтаах.

Дьокутаат бигэргэтэринэн, маннык уһун уоппуска үлэттэн сылайыыны туоратарга уонна күүс-уох ылынарга көмөлөһүөҕэ. Маныаха кини ССТА-ны кытта кэпсэтиигэ сыл устата уоппусканы чаастарга араарыы кыаҕын хаалларыахха наадатын бэлиэтээтэ.