Георгий Бессонов үрдүк кыайыыта

Георгий Бессонов режиссер Владимир Головнев “Цинга” киинэтигэр сүрүн оруоллартан биирин оонньообута. Ол үлэтинэн Алтайга Василий Шукшин кэриэһигэр сыллата ыытыллар бэстибээлгэ “Бастыҥ эр киһи оруола” номинацияҕа кыайыылааҕынан тахсыбытын туһунан “Сахафильм” иһитиннэрэр.

 «Цинга» киинэ Ямалга уһуллубут. Бессонов хотугу аҕыйах ахсааннаах норуот бэрэстэбиитэлин дьиэ кэргэнин аҕа баһылыгын оруолун толорор. Арассыыйа биллиилээх артыыһа Никита Ефремовтыын алтыһар оруоллаах. 90-с сыллар саҕаланыыларыгар Таҥара дьиэтин үлэһиттэрэ табаһыттары кириэстиир сыаллаах көс дьоҥҥо тиийэн кэлэллэрин туһунан кэпсэнэр. Ненец омуктарга Таҥара итэҕэлин тарҕатаары хаалбыт Федор иннигэр ыарахан сорук турар. Олохтоох нэһилиэнньэ табаларын сур бөрөлөртөн быыһаатҕына эрэ кини таҥаратын ылыныах буолар. Федор праповедник маастарыстыбатын көрдөрүөхтээх, ону тэҥэ бэйэтин итэҕэлигэр саарбахтааһыны туоруохтаах...

Георгий Бессонов бу оруолга элбэх саҥата-иҥэтэ суох, тыйыс майгылаах киһини оонньуур.

Георгий Бессонов саха киинэтигэр эрэ буолбакка, аан дойду таһымыгар ыҥырыыга сылдьар артыыс. Бүгүҥҥү туругунан Арассыыйа алта бөдөҥ бырайыагар уһулунна: «Перевал Дятлова», «ФК Родина», «Трасса» сериалларга, «Чужая», «Цинга», «Бансу» киинэлэргэ.

Киин куорат архыыбыттан:

Георгий Бессонов ханнык оруолтан куттанарый?

https://kiinkuorat.ru/articles/georgiy-bessonov-hannyk-oruoltan-kuttanaryy