Газманов бэстибээлигэр биэс ырыаһыт кыттыаҕа

Бэстибээл балаҕан ыйын 19–20 күннэригэр Биробиджан куоракка ыытыллыаҕа. Дьокуускайга “Газманов-Родники” хамсааһын дьүүллүүр сүбэтин чилиэнэ Родион Газманов кэлэн барбыта. Сүүмэрдээһиҥҥэ Дьокуускайтан, Мииринэйтэн, Нерюнгриттэн, Алдантан уонна да атын улуустартан улахан киһи уонна оҕо категорияларыгар 30-ча толорооччу кыттыбыта.

Кыттааччы үгүһүттэн Дьокуускайга финалга тахсыбыттар ахсааннарын элбэппиттэрэ. Инньэ гынан Биробиджаҥҥа Юрислав Гольдеров, Людмила Грязнухина-Сияна, Инна Донская, ону тэҥэ оҕолортон Эрхан Баишев уонна Арина Коваль күрэхтэһиэхтэрэ. Ону таһынан, Екатерина Куценко «Шорох звездопада» диэн ырыатынан кыттыыны ылыаҕа.

«Родники. Дальний Восток» бырайыак РФ Бэрэсидьиэнин култуура көҕүлээһиннэрин өйүүр пуондатын өйөбүлүнэн олоххо киирэр.