ГАИ үлэһиттэрэ күүстээх эрэсиимҥэ көстүлэр

Бу кэмҥэ инспектордар суол быраабылатын куруубайдык кэһиигэ ураты болҕомтолорун ууруохтара. Маны таһынан, сатыы сылдьааччылары кытары сэрэтэр үлэни күүһүрдүөхтэрэ. ГАИ-лар суолга сылдьааччылары болҕомтолоох буолалларыгар уонна быраабылалары кытаанахтык тутуһарга ыҥыраллар.

«Күүһүрдүллүбүт эрэсиим кэмигэр суол быраабылатын кэһии улахан түбэлтэлэрин арыйыыга ураты болҕомто ууруллуоҕа. Ону сэргэ сатыы сылдьааччылар быраабыланы кэһиилэрин сэрэтэр үлэ күүһүрүөҕэ. Күндү куорат олохтоохторо уонна ыалдьыттара, итирик туруктаах сылдьан массыына ыыта сылдьар дьону көрдөххүтүнэ туора турбаккытыгар уонна массыыналаах дьон сыыһа-халты ыыта сылдьалларын биллэххитинэ кэмигэр иһитиннэрэргитигэр көрдөһөр», — диэн Госавтоинспекция отделын полиция младшай лейтенана Иванна Петрова этэр. Быраабы кэһиилэр тустарынан иһитиннэриилэри дьуһуурунай чааска биэриэххэ наада. Госавтоинспекция күүһүрдүллүбүт эрэсиимэ бэс ыйын 28 күнүгэр диэри үлэлиэҕэ.