Гагарин уокуругар смарт-поликлиника арылынна

Тэрээһиҥҥэ өрөспүүбүлүкэ баһылыга Айсен Николаев уонна куорат баһылыга Евгений Григорьев кыттыыны ыллылар.

Бу Дьокуускай куоракка саамай улахан уонна аныгылыы оборудованиенан хааччыллыылаах поликлиника буолла.

Ил Дархан Айсен Николаев бэлиэтээбитинэн, бу поликлиникаҕа сыһыарыллыбыт 55 тыһыынча киһи барыта күн сарсыҥҥыттан эмтээһин хаачыстыбата лаппа тупсубутун билиэхтэрэ.

Эбийиэги судаарыстыбаннай-чааһынай бииргэ үлэлэһии быһыытынан СӨ кытта түһэрсиллибит сөбүлэҥинэн туппут ВИС бөлөх дириэктэрдэрин сэбиэтин бэрэссэдээтэлэ Сергей Ромашов иһитиннэрбитинэн, саҥа социальнй эбийиэк үс доруобуйа харыстыбалын тэрилтэтин холбуур – оҕо, улахан дьон уонна дьахтар консультациятн балыыһалара.

Дьокуускай куорат 2 №-дээх балыыһатын кылаабынай бырааһа Саргылана Васильева бу поликлиника үлэҕэ киириитэ уокурукка  доруобуйа харыстабылын эйгэтигэр саҥа кэрдиис кэм саҕаламмытын уонна эмп-санитарнай өҥөнү оҥоруу хаачыстыбата тупсар аналлааҕын кэрэһилиирин ыйда, диэн Олохтоох дьаһалта пресс-сулууспата иһитиннэрэр.