Гаджет туттарыахтааҕар оҕуруокка таһаарар ордук!

Оҕо уу кутарга, сири көбүтэргэ, сыыс оту ыраастыырга көмөлөһөрө бары өттүнэн туһалаах эбит:

Хара буору, кумаҕы, ууну, сэбирдэҕи, силиһи, тааһы тутан-хабан оҕо тарбахчааннарын нөҥүө элбэҕи билэр-көрөр.

Буору хаһарыгар, лейканан уу кутарыгар, сыыс оту үргүүрүгэр быччыҥнара, сүһүөхтэрэ ноҕуруускаланаллар. Бу ньиэрбэ систиэмэтэ үчүгэйдик үлэлииригэр кыах биэрэр.

Хас хамсаныытын толкуйдуурга, үлэни тиһэҕэр тиэрдэргэ үөрэнэр.

Төҥкөйүү, чохчойуу, ыараханы көтөҕүү вестибулярнай ноҕуруусканы үрдэтэр –  үтүө дьайыылаах.

Көрөр-истэр дьоҕура сайдар: бытархайы болҕойор, тыаһы-ууһу истэр, айылҕаны кэтээн көрөр буолар.

Кырачааннаргытын сайын устата оҕуруот үлэтигэр көмөлөһүннэриҥ!