Гааһынан сапыраапкалыыр ыстаансыйа тутуллуоҕа

Эһиил, 2027 сылга, Дьокуускай куорат уопсастыбаннай тырааныспара туһанарыгар анаан, гаас саҥа сапыраапкатын тутары былааннаабыттар.

Бу автоматизированнай гааһы кутар ыстаансыйа Дьокуускай куоракка пассажирдары таһар тырааныспар тэрилтэтэ – ЯПАК  наадыйыытын хааччыйыаҕа. Киин куоракка күн бүгүн гаас уматыгынан барар 551 оптуобус баар. Саҥа кэлэр оптуобустар эмиэ гааһынан бараллар. Дьокуускайга күн бүгүн гаас уматыгынан сапараапкалыыр 30-тан тахса саппыраапка үлэлиир.

Оттон өрөспүүбүлүкэ үрдүнэн массыынаны саппараапкалыыр гаас 56 ыстаансыйата, 10 гааһынан толорор компрессорнай ыстаансыйа баар. Күн бүгүн өрөспүүбүлүкэҕэ 20 тыһыынчаттан тахса массыына гаас уматыгынан барар. Бу сылга киирэн баран, 150 тимир көлөнү гаас уматыкка көһөрбүттэр.

РФ субъектарыгар гаас сапыраапкаларын тутууга уонна тырааныспары гааска көһөрүүгэ анал субсидия көрүллэр. Ол курдук, 2026 сылга Саха сиригэр бу сыалга 20,8 мөл. солк. көрүллүбүт.

Манна даҕатан эттэххэ, Айсен Николаев Ил Түмэҥҥэ Анал этиитигэр  гаас уматык ырыынагын сайыннарыыга төһүү болҕомтону уурарга сорудахтаан турар. Ол иһигэр бэнсиин уматык оннугар, чуолаан гаас сапыраапкалара баар оройуоннарыгар, гаас уматыгар көһөрүү үлэтин күүһүрдэргэ соруйбута.

Гаас сапыраапкатын тутуу уопсастыбаннай тырааныспар үлэтин тупсарар  сыаллаах: үп кэмчилэнэр,  экологияҕа охсуута да кыра буолап. Сүрүнэ, сэрэхтээх буолуу быраабылатын тутустахха, бүгүҥҥү күннээххэ быдан табыгастаах уматык.