Фекальнай састааптаах шаурма

Ол курдук, атырдьах ыйын 12 күнүгэр 9 киһи (1983, 1997, 2001, 2008, 2009, 2010, 2011, 2013, 2019 с.т.) «Донер 14» киоска (Курашов уул.) шаурма сиэн баран араас хабааннаах сүһүрүүнү ылбыттара.

Быһылаан кэнниттэн ыытыллыбыт бэрэбиэркэ СанПин ирдэбилэ 15 түгэҥҥэ кэһиллибитин  көрдөрбүтэ – бородууксуйа маркировката суоҕа, санитарнай ирдэбили кэһии, харайыы усулуобуйатын тутуспат буолуу о.д.а.).

Суут мунньаҕар урбаанньыт, кинини көмүскээччи уонна сорох эмсэҕэлээбиттэр кэлбэтэхтэринэн дьыала кинилэрэ суох көрүллүбүт.

Роспотребнадзор бэрэстэбиитэлэ суукка иһитиннэрбитинэн, маннык хабааннаах кэһии 2026 сыл тохсунньу ыйыгар эмиэ хатыланан, киоска үлэтэ 90 хонукка тохтотулла сылдьыбыт.

Оттон кэлиҥҥи лабораторнай чинчийии түмүгэ киһини эрэ дьиксиннэрэр. Ол курдук, хотуобай бородууксуйаҕа Proteus бактерия, кишечнай палочка бактериятын араастара, сыстыганнаах стафилококк баарын таһынан, мезофильнай аэробнай уонна факультативнай-анаэробнай микроорганизм баара, ол эбэтэр бородууксуйа фекальнай састааптааҕын быһаарбыт.

Бу төрүөттэринэн суут атырдьах ыйын 13 күнүттэн «Донер 14» киосканы өссө төгүл 90 хонукка сапта.