Федеральнай чат төгүрүк суукка үлэлиэ

Муус устар 1 күнүттэн "Аҕа дойду буойуннарын кэмитиэтин" анал байыаннай дьайыы кыттыылаахтарын уонна кинилэр дьиэ кэргэттэрин  медицинскэй-психологическай өйүүр кэлим федеральнай чата төгүрүк сууккалаах үлэҕэ көһүө.
"Биһиги кэмитиэппит психологтары кытта чата үлэлээн саҕалаабытыгар, көмө дойдубут хайа баҕарар муннугар, хайа баҕарар кэмҥэ тиийэрин ситиһэргэ бу үлэ төгүрүк суукка үлэлиирэ наадатын өйдөөбүппүт. Билигин психологтар толору сууккаҕа үлэлииллэрин сөптөөхтүк тэрийэри ситистибит. Биир улахан суолталааҕа диэн, биһиэхэ анонимнайдык тахсыахтарын сөп, тус дааннайы арыйары ирдээбэппит. Ол маннык психологическай көмө көрүҥэр наадыйааччы элбээһинигэр биир эбии төрүөт буолар", – диэн Кэмитиэт салайааччыта Юлия Белехова бэлиэтээн этэр.
Чатка араас аймаммыт, долгуйбут туруктаах дьоҥҥо босхо медицинскэй-психологическай консультацияны оҥорорго үрдүк квалификациялаах уопуттаах психологтар хамаандалара үлэлиир.
Манна дойду хайа баҕарар регионуттан, бириэмэтиттэн тутулуга суох хаһан баҕарар көмө көрдөөн суруйуохха сөп.
"Маннык сыыппара көмөтүнэн суругунан алтыһыыга наадыйыы баара көстөр. Чат 8 ый үлэлээбитин тухары исписэлиистэргэ 1800-тэн тахса киһи тус кыһалҕатынан тахсан көмөнү ылла. Тэйиччи сытар, медицинскэй психолог суох сирдэригэр чат көмөтө эмиэ улахан", – диэн чат координатора, "ЗдравКонтроль" федеральнай бырайыак салайааччыта, РФ Уопсастыбаннай палататын чилиэнэ Евгений Мартынов санаатын үллэстэр.
Чатка Арассыыйа араас регионуттан билиҥнитэ 11 тыһ. тахса киһи холбоспут. 
Телеграм-чатка бу сигэнэн киирэн холбоһуохха сөп: 
https://t.me/+-NlCAoiZghk2OTNi

 "Аҕа дойду буойуннарын кэмитиэтин" иһитиннэриитинэн