Евгений Григорьев Туймаада ыһыаҕар бэлэмнэнии үлэтин хонтуруолга тутарга сорудахтаата

Манна бэс ыйын 27-28 күннэригэр буолар Туймаада ыһыаҕар бэлэмнэнии үлэтэ бара турар. Быйылгы ыһыах Арассыыйа норуоттарын сомоҕолоһууларын сылыгар уонна Саха Өрөспүүбүлүкэтигэр Култуура сылыгар ананар.

Үлэлиир бөлөх атыы-эргиэн эрээттэрин, кымыс иһиитин киинин, «Дыгын оонньууларын», күнү көрсүү сиэрин-туомун, өрөспүүбүлүкэ уонна Дьокуускай куорат баһылыгын бириистэригэр ат сүүрдүүтүн ыытар сирдэри көрдө-иһиттэ.

Хомунаалынай сулууспалар үлэһиттэрин кытта сири быылтан ыраастааһын, суоллары тэҥнээһин уонна субуотунньуктары тэрийии туһунан кэпсэттилэр. Бу үлэ барыта былаан быһыытынан ыытыллыаҕа.

Евгений Григорьев ыһыаҕы үрдүк таһымнаахтык тэрийэргэ уонна ыалдьыттарга табыгастаах усулуобуйаны оҥорорго, бэлэмнэнии үлэтин хонтуруолга тутарга сорудахтаата.