Евгений Григорьев тус приема буолан ааста

Куорат олохтооҕо Борис Н. агропромышленнай комплекс тэрилтэлэригэр үлэһиттэр бырааптарын кэһии уонна кэккэ тэрилтэлэргэ профсойуус үлэтигэр хааччахтары олохтооһун баарын иһитиннэрдэ.

Евгения П. куорат баһылыгар чааһынай дьиэтэ уокка былдьанан олорор сир көрдөһөн кэлбит. Киниэхэ дьаһалта бу боппуруоһу суут нөҥүө эрэ быһаарсар кыах баарын иһитиннэрдэ.

Диана С. Бүлүүлүүр суол 17 км уонна Намсыыр трагын 7 км тутуллубут саҥа түөлбэлэр уулуссаларын сахалыы ааттыыр туһунан этиилээх кэлбит. Бэлиэтээн эттэххэ, бу оройуоннарга элбэх оҕолоохторго сир учаастактара бэриллибиттэрэ. Евгений Григорьев киирбит этиини өйөөн, куорат кылаабынай архитекторыгар сорудахтаата, диэн иһитиннэрэр Олохтоох дьаһалта пресс-сулууспата.

Санатар буоллахха, баһылык гражданнары кытта эрдэттэн суруйтарыынан көрсөр. Көрсүһүүгэ суруйтарарга Сурук отделыгар эбэтэр Олохтоох дьаһалта тэрилтэлэригэр сайабылыанньа суруйуохха наада. Сайабылыанньаҕа быһаартарыахтаах боппуруоһу сиһилии ыйар уонна инники өттүгэр атын инстанцияларынан туох быһаарыы ылыллыбытын сыһыарар наада. Маны сэргэ тус дааннайдары ыйар ирдэнэр: төлөпүөн нүөмэрэ, электроннай аадырыс.
Сайабылыанньаны ыытар ньымалар:
– yakutsk@sakha.ru Олохтоох дьаһалта официальнай электроннай почтатыгар;
– 40-80-76 төлөпүөнүнэн;
– Дьокуускай к., Ленин проспега, 15 аадырыска тиийэн;
– Сурук отделын аадырыһа: Дьокуускай к., Ленин проспега, 15, 113 кэб., үлэ күннэригэр сарсыарда 09:00 чаастан киэһэ 18:00 чааска диэри (эбиэккэ тохтобул – 13:00-14:00 чч.).