Евгений Григорьев слекка кытынна

“Муус устар” ыччат бэстибээлин чэрчитинэн “Россия страна возможностей” АНО Саха сиригэр ыытар бырайыактарын уонна куонкурустарын кыттыылаахтара слеттаатылар. Слет кэмигэр Дьокуускай куорат баһылыга Евгений Григорьев кыттааччыларга “Арассыыйа лидердэрэ” куонкуруска кыттыбыт тус уопутун кэпсээтэ. 
Слет арыллыытыгар “Россия страна возможностей АНО эрэгийиэннэри кытта үлэлэһэр хайысхатын ыстаарсай координатора Антон Демидов куонкурустарга уонна бырайыактарга кыттыы инникитин туох кыаҕы арыйарын сырдатта.  
Салгыы “Арассыыйа лидердэрэ” куонкурус кыайыылаахтара куорат баһылага Евгений Григорьев, өрөспүүбүлүкэтээҕи харах клиническэй балыыһатын кылаабынай бырааһа Иван Луцкан уонна “Россия страна возможностей” национальнай бириэмийэ финалиһа живописец-худуоһунньук Мира Аргунова тыл эттилэр. 

Евгений Григорьев слет кыттыылаахтарыгар “Арассыыйа лидердэрэ” куонкурус туһунан сиһилии кэпсээтэ, лидер хаачыстыбатын сайыннарарга сүбэлэри биэрдэ. 
«Икки сыл “Арассыыйа лидердэрэ” куонкуруска кыттарым устатыгар үөрүйэхтэрбин үрдэтэргэ үлэлэспитим, лиэксийэлэри истэрим, кинигэлэри ааҕарым. Куонкурус түмүктэниитэ киһи билиитин кыаҕа кэҥиир, профессиональнай үлэтигэр салайааччы буоллаҕына, бу билиитэ кини атын таһымҥа тахсарыгар көмөлөһөр”, – диэтэ Евгений Григорьев. 
«Россия – страна возможностей» –дойду бэрэсидьиэнэ Владимир Путин көҕүлээһининэн 2018 с. ыам ыйын 22 күнүгэр тэриллибит автономнай кэммиэрчэскэйэ суох тэрилтэ. Бу платформа үлэлээбитэ номнуо 6 сыл буолла. Бу кэм иһигэр Арассыыйа 89 регионуттан, 150 атын дойдуттан элбэх кыттааччыланна. Тэрилтэ партнердарынан 1500-тэн тахса хампаанньа, үрдүк үөрэх кыһалара, судаарыстыбаннай уонна уопсастыбаннай тэрилтэлэр буолаллар. 
Дьокуускай куорат уокуруктааҕы дьаһалтатын пресс сулууспатын матырыйаалларынан.