Евгений Григорьев: «Салайар хампаанньалар өҥө хаачыстыбатын үрдэтэллэрин ситиһиэхпит»
Куорат дьаһалтатыгар сорох салайар хампаанньалар олохтоохтор ирдэнэр төлөбүрдэри оҥороллорун үрдүнэн туһааннаах дьаһаллары кэмигэр ылынан испэттэрин эбэтэр букатын да толорботторун, хаачыстыбата суох өҥөнү оҥороллорун туһунан үҥсүү үгүстүк киирэр.
Бу туһунан баһылык Евгений Григорьев бэйэтин тг-ханаалыгар: «Ил Түмэн дьокутааттара сокуоҥҥа дьоһун көннөрүүлэри ылыннылар – Дьокуускай куоракка элбэх кыбартыыралаах олорор дьиэлэри салайар хампаанньалары хонтуруоллуур боломуочуйа бэрилиннэ», – диэн санаатын үллэһиннэ. Евгений Григорьев чуолаан Ил Түмэн дьокутаата Виктор Федоровка Дьокуускай куорат дьаһалтатын көҕүлээһинин өйөөбүтүн иһин махтанар. «Бэрээдэги олохтуурга бары бииргэ үлэлэһиэхпит уонна салайар хампаанньалар нэһилиэнньэттэн ылар харчыларыгар оҥоруохтаах өҥөлөрүн барытын хаачыстыбалаахтык толороллорун ситиһиэхпит – подъеһы ыраастааһынтан саҕалаан оҕо былаһааккатын туругар тиийэ!» – диэн суруйар куорат баһылыга. https://t.me/EvgenyGrigorev/3470
Санатар буоллахха, бу көҕүлээһин сокуонунан бигэргэнэригэр сүҥкэн өҥөлөөх норуот дьокутаата Виктор Федоров бэлиэтииринэн, өрөспүүбүлүкэ үрдүнэн салайар хампаанньаларга киирэр үҥсүү 72% Дьокуускай куоракка тиксэр.
Сонуннар
Ордук ааҕаллар
