Евгений Григорьев нэһилиэннэни кытта тиэргэн өрөмүөнүн дьүүллэстэ

От ыйын 15 күнүгэр баһылык Евгений Григорьев Можайскай уул., 17/4 олохтоохторун кытта көрсөн, тиэргэн өрөмүөнүн кэпсэттэ.

Салалта тэрийбит көһө сылдьар мунньаҕар «Главстрой» МХТ дириэктэрин солбуйааччы Андрей Климов иһитиннэрбитинэн, чуолаан бу тиэргэҥҥэ 2400 кв. миэтэрэ кэриҥэ иэннээх аспаал ууруллуоҕа, уу ситимэ оҥоһуллуоҕа, 43, ол иһигэр доруобуйаларын хаарчахтаах дьоҥҥо аналлаах 5 массыынаны туруорар миэстэ тэриллиэҕэ, батут, оҕо оонньуур былаһаакката баар буолуоҕа, оҕо оонньур зонатыгар сырдатыы тардыллыаҕа. Эбэн эттэххэ, тутуу үлэтэ баар мастары тыыппат, оннунан хаалларар.

Маннык былааны олохтоохтор биһирии иһиттилэр. Ордук чуолаан тиэргэннэрэ улаатарын сөбүлээтилэр.

Гагарин уокуругун управатын салайааччыта Евгений Сидоренко бэлиэтээбитинэн, 2022 сыллаахха уокурукка 15 тиэргэн өрөмүөннэммит, 2023-2024 сылларга – үстүү.

«Онон быйыл 22-с тиэргэн оҥоһуллар. Уута, аспаала, тротуара, оҕо былаһаакката барыта киирэр кэлим тупсарыы үлэтэ биһиги былааммытыгар баар», – диир Евгений Сидоренко.

Тупсарыы үлэтэ аны күһүн балаҕан ыйыгар диэри оҥоһуллуоҕа. Бэдэрээтчитинэн «Основа» ХЭУо буолар, диэн Олохтоох дьаһалта пресс-сулууспата иһитиннэрэр.