Евгений Григорьев кыстыкка бэлэмнэнии хаамыытын бэрэбиэркэлээтэ

От ыйын 14 күнүгэр баһылык Евгений Григорьев салайар хампаанньалар бэрэстэбиитэллэрин кытта кыстыкка бэлэмнэнии үлэтин хонтуруоллаата.

Ол курдук, Орджоникидзе уул., 7/1 уонна 7/2, Дзержинскэй уул.,8/2, 202-с түөлбэ 9-с куорпуһун уонна П. Осипенко уул., 5а дьиэлэригэр сырыттылар.

Евгений Григорьев салайар хампаанньаларга кыстыкка бэлэмнэниигэ сүрүн болҕомтону уурарга уонна олорор дьиэ пуондатын туругун кытаанах хонтуруолга тутарга сорудахтаата.

Санатар буоллахха, от ыйын 13 күнүгэр Ил Дархан куорат баһылыга Евгений Григорьевы кытта көрсүһүүтүгэр маастар-былааны олоххо киллэрии хаамыытын сэргэ кыстыкка бэлэмнэнии балаһыанньатын кэпсэппиттэрэ.