Евгений Григорьев: «Бырааттыы татаардарбытын кытта харса суох үлэлэһэбит!»

Баһылык Евгений Григорьев Татарстан өрөспүүбүлүкэтин Нижнекамскай куоратын кытта доҕордуу сыһыаны түстүүр сөбүлэҥи баттаан кэллэ. Маны сэргэ кини Казань куорат баһылыга Ильсур Метшины кытта көрүстэ.
Сырыы чэрчитинэн Олохтоох дьаһалта структураларыгар, чуолаан Административнай хамыыһыйа үлэтин көдьүүһүн улаатыннарыыга, тупсарыы эйгэтигэр, сыыппараҕа көһүүгэ, о.д.а. боппуруостарга Татарстан муниципалитеттарын уопутун хото туһанарга сорудахтаата.
Евгений Григорьев бэлиэтээбитинэн, Татарстаннааҕы кэллиэгэлэр бэйэлэрин уопуттарын үллэстэргэ бэлэмнэр. «Ол иһин бырааттыы татаардарбытын кытта харса суох үлэлэһэбит!» – диэтэ кини балаҕан ыйын 2 күнүгэр буолбут куорат дьаһалтатын былаанныыр уопсай мунньаҕар. Хаартыскаҕа: Нижнекамскай баһылыга Радмир Беляев, Казань куорат баһылыга Ильсур Метшин уонна Дьокуускай куорат баһылыга Евгений Григорьев. Бу туһунан @YakutskRF телеграм-ханаал суруйар.