Евгений Григорьев «Биир ньыгыл Арассыыйа» партияны өйөөччүлэр иннилэригэр отчуоттаата

«Биир ньыгыл Арассыыйа» политическай партияны өйөөччүлэр кэккэлэрэ Дьокуускай куоракка сыллата хаҥыы турар. 2024 сылга бу партия кэккэтигэр чилиэнинэн киириигэ 183 сайабылыанньа киирэн, бүгүн чилиэнин уонна өйөөччүтүн ахсаана 6 тыһыынчаттан тахсан турар.
Дьокуускай куорат баһылыга Евгений Григорьев ааспыт сылга «Биир ньыгыл Арассыыйа» партия ыыппыт үгүс өрүттээх бырайыактарынан куорат 5 тыһыынча кэриҥэ олохтооҕо хабыллыбытын, ону таһынан дойду баһылыга, партия лидерэ Владимир Путин көҕүлээһининэн ыытыллар нацбырайыактары олоххо киллэрии хаамыытын билиһиннэрдэ. 

Уһуйаан, оскуола тутуутун, өрөмүөнүн ыытыы, хаарбах дьиэттэн көһөрүү, суол-иис тутуута, уопсастыбаннай тырааныспар систиэмэтин, оптуобус пааркатын саҥардыы, сылаас тохтобуллары тутуу, уу, гаас ситимнэрин тардыы хаамыытын иһитиннэрдэ. 
«Биир ньыгыл Арассыыйа» политическай партия бэрэстэбиитэллэрэ куорат баһылыгыттан Губин уокуругар көҕөрдүү үлэтин, «Кырдьаҕас куорат-2» бырайыагы олоххо киллэрии болдьоҕун, «Бригантина» дьиэтин өрөмүөнүн о.д.а. ыйыталастылар, диэн Олохтоох дьаһалта пресс-сулууспата иһитиннэрэр.