Эргэ, быраҕыллыбыт дьиэлэр – буруйу оҥоруу уйалара

Кини эппитинэн, быйыл Дьокуускайга уопсайа 9 хаарбах дьиэ көтүрүллүөхтээх: 4 – Сайсары уокуругар, биирдии – Октябрьскай, Автодорожнай, Строительнай, Гагаринскай уокуруктарга уонна Мархаҕа.

Сорох аадырыстарга олохтоохтору көһөрүү, сорохторго көтүрүү саҕаламмыт. Маныаха хас да дьиэ гаас ситимиттэн араарыллыбакка турарынан, ресурсанан хааччыйар тэрилтэлэри кытта үлэ ыытыллыахтаах. Ол быыһыгар куоракка 40 (!) эргэ дьиэ кураанах турар. Дмитрий Садовников маннык дьиэлэргэ асоциальнай дьон мустан, нэһилиэнньэҕэ кутталы үөскэтэллэрин бэлиэтээтэ. Онон туһааннаах сулууспаларга аҕыйах хаалбыт дьону көһөрөр охсон, көтүрүү графигын оҥорорго сорудахтаата.