Эрэллээх хампаанньаҕа түбэһии – дьиэ акылаатын тэҥэ

Онон, БУ сигэнэн киирэн, интэриэһиргиир ыйытыыларгытын күүтэбит.

«Сэргэ» тутуу хампаанньаттан дьиэ туттарбыт дьоннорун ыйыппыппытыгар, «Гнездо на Новой» дии түспүттэригэр, маннык ааттаах бырайыак буоллаҕа диэн санаа күлүм гынан ааспыта. Онтубут Новай уулусса олохтоохторо элбэх оҕолоох Егор, Мария Дьячковскайдары кэпсиир эбиттэр.

«Киин куорат» саҥа дьиэ хаһаайката Мария Дьячковскаяны кытта кэпсэттэ.

– Дьиэбитин туттаран бараммыт социальнай ситимҥэ «Гнездо на Новой» диэн ааттаах страница арыммыппыт. Кэргэмминиин Егордуун иккиэн тыа сиригэр, Чурапчыга улааппыт дьоммут. 2019 сылга Уһук Илин ипотекатыгар хапсыбыппытыгар, бастатан – учаастак, онтон дьиэ боппуруоһа күүскэ турбута. Элбэх тутуу хампаанньатыгар сылдьан баран «Сэргэ» хампаанньаны талан баран, мансардалаах дьиэ бырайыагын олус сөбүлүү көрбүппүт. Ол саҕана оннук дьиэ сэдэх. Бырайыагы бэйэбитигэр сөп гына уларыппыппыт. Элбэх оҕолоох буоламмыт манан түннүгү ылларыы, итинэн аан турар сирин уларытыы, о.д.а. курдук хаппырыыстарбытыгар хампаанньа үлэһиттэрэ сүрдээх тулуурдаахтык сыһыаннаспыттара. Туох уларытыыны киллэрдибит даҕаны, тутатына төһө-хачча төлөбүр буолуохтааҕын суоттаан биэрэллэрэ биһиэхэ табыгастаах этэ. Онон идэлэрин толору баһылаабыт, эппиэтинэстээх исписэлиистэр туппут дьиэлэрин акылаатыттан саҕалаан билиҥҥэ диэри олус үчүгэйдик турар. Хампаанньа өссө биир уратытынан туппут дьиэлэрэ мэктиэлээҕэ уонна клиеҥҥэ ытыктабыллаах сыһыаннааҕа буолар. Итиэннэ биһиги курдук элбэх оҕолоох эдэр ыаллар бас билэр дьиэлэнэллэригэр кыах биэрэр судаарыстыбаннай бырайыактарга махтанабыт.

Онон, түгэнинэн туһанан, исписэлиистэн дьиэ туттарга мунаарар түгэннэргитин ыйыталаһан хаалыҥ.