«Энергосбыт» аатыттан түөкүттэр эрийэллэр. Ылымаҥ!

«Энергосбыт» аатыттан түөкүттэр эрийэллэр. Ылымаҥ!

Түөкүттэр араас мессенджеринэн прибордаргытын бэрэбиэркэлэтэргэ босхо суруйтарыҥ диэн ис хоһоонноох биллэрии ыыталлар уонна «маастар» төлөпүөнүн нүөмэрин ыйаллар. Түөкүннүүр албастарын схемата уларыйбатах – эрийдэххэ, араас төрүөтүнэн “Госуслуги” порталга баар тус кэбиниэккэ киирэр кодтары көрдүүллэр. Ону биэрдиҥ да,  бэйэлэрин интэриэстэригэр туһаналлар.

«Якутскэнергосбыт» өссө төгүл санатар: филиал үлэһиттэрэ СМС-кодтары уонна туһанааччы паролларын хаһан да көрдөөбөттөр. Уот прибордарын уларытыы уонна пломбаны олордуу, устуу даҕаны «Госуслуги» порталын нөҥүө барбат. Прибор бэрэбиэркэтигэр сыһыаннаах иһитиннэриини ДЭК Контакт-киинин 8-800-234-7777 нүөмэригэр эрийэн билиэххэ сөп. Энергетиктэр гражданнары түөкүттэр угаайыларыгар киирэн биэрбэт гына, олус болҕомтолоох буоларга сүбэлииллэр.