Эн уулуссаҥ быйыл өрөмүөннэнэр дуо?

Итинтэн 420 м – саҥа суолларга, оттон 6 520-тэн тахса км – баар суолларга хапытаалынай өрөмүөн.

Сэргэлээх шоссетыгар хапытаалынай өрөмүөн Гимеин кольцевой суолуттан саҕалаан Сэргэлээх шоссетын 8 км баар 1 №-дээх дьиэҕэ диэри ыытыллыаҕа. Бу учаастак уопсай уһуна 3 км тахса. Үлэҕэ «Дороги Саха» САУо эппиэттиир. Чернышевскай уулуссаттан Крупскаяҕа диэри Лиза Чайкина уулуссаҕа хапытаалынай өрөмүөн эмиэ былааннанар. Бу учаастак 490-тан тахса миэтэрэ уһуннаах, үлэни-хамнаһы «Тулаһын» ХЭТ ыытар.

Халтурин уулуссатыгар хапытаалынай өрөмүөн Строительнай уулуссаттан Якутская уулуссаҕа диэри учаастакка ыытыллыаҕа. Бу учаастак 590 м тахса уһуннаах, ол өрөмүөнүгэр эмиэ «Дороги Саха» САУо эппиэттиир. Кангалаас микро-оройуонугар Дачнай уулуссаҕа эмиэ бу тэрилтэ үлэтин салҕыаҕа, онно 1260 м усталаах учаастакка үлэ ыытыллыаҕа.

Хабаров, Ярославскай, Чернышевскай уонна Ефимов уулуссалар быһа охсуһууларыгар быйыл 254 м уһуннаах хапытаалынай өрөмүөн саҕаланыаҕа. Бу эбийиэккэ үлэни толорууга «РИК АВТОДОР» эппиэттиир. Үлэ быйыл түмүктэниэхтээх.

Кэлэр сылларга өссө «Адаптивнай үөрэхтээһин комплексыгар»  киирэр суолга улахан өрөмүөн былааннанар. Бу бырайыакка 550 үөрэнээччилээх оскуола уонна оҕо саада уонна 350 миэстэлээх суукканы эргиччи үлэлиир социальнай реабилитация киинэ киирэллэр. Үлэ бастакы түһүмэҕэ 180 м усталаах учаастагы хабыаҕа. Бу үлэҕэ «Сахатрастрой» ХЭТ эппиэттиир.

Былааннаммыт эбийиэктэргэ 203-с түөлбэҕэ баар 420 м усталаах Ефимов уулуссатын тутуута уонна 273 м уһуннаах Ленскэй уулусса хапытаалынай өрөмүөнэ киирэллэр.

Саҥа эбийиэктэри таһынан 2026-2027 сылларга көһөн биэрэр үлэлэр көрүллэллэр. Тутар-монтажтыыр үлэ биэс уулусса-суол ситимигэр оҥоһуллуо.

Олор ​​ортолоругар Ойуунускай уулуссатыгар Дежнев уулуссаттан Октябрьскайга диэри учаастакка 2 км уһуннаах хапытаалынай өрөмүөн ыытыллыа.

Өссө биир улахан суолталаах бырайыак – Хабаров уулуссатын хапытааалынай өрөмүөнэ, Ярославскай уулуссаттан Богатыревка диэри 1456 км усталаах учаастак. Ол курдук, быйыл былааннаммыт улахан кээмэйдээх хапытаалынай өрөмүөннэр уонна саҥа суоллары оҥоруу куорат инфраструктуратын биллэ тупсарыаҕа уонна суол үрдүн бүрүйүү хаачыстыбатын үрдэтиэҕэ.

«Олох инфраструктурата» национальнай бырайыагынан хас да суол учаастагар баараҕай тупсарыы былааннанар. Чуолаан, Сэбиэскэй Аармыйа 50 сыла уулусса Кальвица уонна Бабушкин уулуссалар икки ардыларынааҕы учаастагар хапытаалынай өрөмүөн ыытыллыаҕа. 2 км хабар үлэни «Автодор” ИК» АУо ыытыаҕа. Бырайыак 2027 сылга диэри түмүктэниэхтээх. Үлэ кулун тутар 23 күнүттэн саҕаламмыта.

Маны таһынан Дежнев уулуссатын Крупскаяттан Ойуунускай уулуссатыгар диэри учаастагар эмиэ хапытаалынай өрөмүөн былааннанар. Бу учаастак уһуна 650 мэ, үлэ эмиэ кулун тутар 23 күнүттэн саҕаламмыта. Бу сылга өссө Бүлүүлүүр суол быһа охсуһуутугар Лермонтов уулуссаттан Объездной трассаҕа диэри үлэ иккис уочаратын тутуута салҕаныа.

Кулун тутар 30 күнүттэн атырдьах ыйын 15 күнүгэр диэри «Хабаров, Ярославскай, Чернышевскай, Ефимов уулуссаларын быһа охсуһууларын хапытаалынай өрөмүөнэ» бырайыак чэрчитинэн ититии ситимнэрин саҥардыы үлэтэ былааннанар. Онон сибээстээн Ефимов уулуссата бүтүннүү сабыллар, суоппардар уонна сатыы дьон ону учоттуургутугар ыҥыраллар.

Инньэ гынан, 2026 сылга түмүктэнэр үлэлэр:

- Бүлүүлүүр суол быһа охсуһуутун Лермонтов уулуссатыттан Объездной суолга диэри кэрчигин тутуу, 0,820 км;

- 203-с түөлбэҕэ Ефимов уулуссатын тутуу, 0420 км;

- Халтурин уулуссатын Строителлэр уулуссаларыттан Якутская уулуссаҕа диэри кэрчигин хапытаалынай өрөмүөнэ, 0,591 км;

-  Сэргэлээх шоссетын Гимеин кольцотуттан шоссе 8 км диэри кэрчигин хапытаалынай өрөмүөнэ, 3,470 км;

- Лиза Чайкина уулуссатын Чернышевскайтан Крупская уулуссатыгар диэри учаастагын хапытаалынай өрөмүөнэ, 0,496 км;

- Кангалаас бөһүөлэгэр Дачная уулусса хапытаалынай өрөмүөнэ;

- Хабаров-Ярославскай-Чернышевскай-Ефимов уулуссалар быһа охсуһууларын хапытаалынай өрөмүөнэ, 0,254 км;

- Адаптивнай үөрэх комплексыгар киирэр суол хапытаалынай өрөмүөнэ, 0,180 км;

- Ленскай уулусса (иккис учаастак) хапытаалынай өрөмүөнэ;

Халтурин уулуссатын Строителлэр уулуссаларыттан Якуская уулуссаҕа диэри кэрчигин хапытаалынай өрөмүөнэ.

2027-2028 сс. түмүктэнэр үлэлэр:

- Хабаров уулуссатын Ярославскайтан Богатырев уулуссатыгар диэри кэрчигин хапытаалынай өрөмүөнэ, 1,456 км;

- Ойуунускай уулуссатын Дежнев уулуссатыттан Октябрьскай уулуссаҕа диэри кэрчигин хапытаалынай өрөмүөнэ, 1,947 км;

- Сэбиэскэй Аармыйа 50 сыла уулусса Кальвицаттан Бабушкин уулуссатыгар диэри учаастагын хапытаалынай өрөмүөнэ, 2,000 км;

- Дежнев уулуссатын Крупская уулуссаттан Ойуунускай уулуссатыгар диэри кэрчигин хапытаалынай өрөмүөнэ, 0, 650 км.