Эн ааккар кирэдьиит ылбыт буоллахтарына...

Эн ааккар кирэдьиит бэриллибитин биллэххинэ, бастакы хардыы – ону биэрбит тэрилтэни кытта сибээскэ тахсыахтааххын. Иккис хардыы – баан эбэтэр микрофинансовай тэрилтэ үлэһиттэригэр кирэдьиит ылбатаҕыҥ туһунан биллэр уонна ис бэрэбиэркэни ирдээ. Ол кэннэ, чугастааҕы полиция отделыгар биллэрэн, албыннааһыҥҥа холуобунай дьыалаҕа сайабылыанньата биэр. Манна буолбут быһыыны-майгыны, кирэдьиит ылыыга сыһыана суоҕун, кирэдьиит хаһан оҥоһуллубутун, СМС кэлбитин уо.д.а. туһунан толору суруй.

Сайабылыанньаҕар үп тэрилтэтигэр биэрбит үҥсүүҥ куоппуйатын уонна атын туһааннаах докумуоннары барытын киллэр. Үҥсүүнү ылбыттарын кэннэ толуон-иһитиннэрии ылыаҥ, ону кирэдьиит биэрбит бааҥҥа эбэтэр микрофинансовай тэрилтэҕэ туттарыаххын наада.

Билиҥҥи сокуон быһыытынан, баан 15 күн иһигэр хоруйдуохтаах уонна, сайабылыанньаҕын көрөн баран, иэһи суох оҥорорго сөбүлэһэр эбэтэр аккаастыыр. Баан эбэтэр микрофинансовай тэрилтэ иэһи көтүрэртэн аккаастаннаҕына, дьыалаҕын суукка биэрэҕин, тоҕо диэтэххэ маннык кирэдьиит дуогабарын суут эрэ көтүрэр кыахтаах. Сууттан атын тэрилтэлэр суохтар диэн Яковлева түмүктээтэ.