Эмчиккэ сылдьыбакка ханнык ыспыраапкалары ылыахха сөбүй

Олор истэригэр — эмп ыларга ырысыап, диспансер кэтээн көрүү иитинэн сүбэ-ама биэрии боротокуола уонна сэрэтэр быһыылар туһунан сэртипикээт бааллар, диэн доруобуйа харыстабылын миниистирэ Михаил Мурашко иһитиннэрдэ.

Порталга бырааска суруйтарыы, дьиэҕэ ыҥырыы, электроннай мэдиссиинэ каартатын көрүү уонна араас ыспыраапкалары ылыы номнуо баар. Ону таһынан, балыыһаҕа киириигэ направление, успуордунан дьарыктанарга мэһэйдэр суохтарын туһунан ыспыраапка, ыарыы историятыттан выписка уонна да атын докумуоннар оҥоһуллаллар, диэн суруйар РИА Сонуннара.

Маны таһынан, гражданнарга ОМС полиһын туһунан сибидиэнньэлэр уонна электроннай больничнай лиис, ол иһигэр национальнай мессенджер MAX нөҥүө киирэр кыахтаахтар. Бу бары өҥөлөр бириэмэни харыстыырга уонна поликлиникаларга уочараты тумнарга көмөлөһөллөр.