Электроннай квитанцияҕа көһүү элбээбит

Билиҥҥи туругунан 190 тыһыынча киһи кумааҕы квитанциялартан аккаастанан, электроннай квитанцияларга көспүттэр.

Электроннай квитанцияны килийиэннэр электронннай почтанан эбэтэр ДЭК тус кабинетыгар туталлар. Электроннай квитанция кумааҕыттан туох да атына суох. Ону ааһан хас да үтүө өрүттээх диэн быһаараллар: электронай квитанцияны сүтэрэн кэбиспэккит, кумааҕытааҕар түргэнник кэлэр, төлөбүрү оҥорорго быһа тиэрдэр сигэлээх буолар. Оҥоһуллубут төлөбүрдэри хаһан баҕарар хостоон ылан көрүөххэ сөп. ДЭК тус кабинетыгар «Начисления и оплата» салааҕа — «Начисления» диэни баттаан счету көрөҕүт.

Хас да дьиэлээх, ханна эмэ ыраах айаҥҥа барар эбэтэр аҕам саастаах дьоннорун оннугар төлөбүр оҥорор дьоҥҥо электроннай квитанция олус табыгастаах. Хаһан баҕарар, хантан баҕарар төлөһүөххэ сөп.

Электроннай квитанция үөһээ уҥа муннугар хомунаалынай өҥөнү төлүүргэ QR-код баар. Ону төлөпүөн камератынан буллараҕыт эбэтэр «Сканер QR» диэн сыһыарыыны көмөлөһүннэрэҕит. Аллараа сылдьар QR–кодтарыан өҥөнү оҥороооччуларга – ДЭК (электроэнергия) уонна Якутскэнерго (ититии уонна итии уу) төлүүгүт.

"Якутскэнергосбытка" иһитиннэрбиттэринэн, электроннай квитанциянан туһанар килийиэннэрин ахсаанын өссө да элбэтэр сыаллаахтар, ол эрэн кумааҕы квитанциялар үөрүйэх буолбут дьоҥҥо баар буолуохтара.