Элбэх оҕолоох ийэлэр биэнсийэҕэ эрдэ тахсыахтарын сөп

Биэнсийэҕэ эрдэ тахсарга сүрүн ирдэбиллэр: оҕолор 8 саастарын туолбут буолуохтаахтар, дьахтар үлэлээбит страховой ыстааһа 15 сылтан кырата суох буолуохтаах, оттон биэнсийэ тус коэффициена (ИПК) — 30-тан итэҕэһэ суох буолуохтаах.

Элбэх оҕолоох ийэлэргэ биэнсийэҕэ тахсар ирдэбиллэр

Хотугу усулуобуйаҕа: 2 эбэтэр онтон элбэх оҕону төрөппүт ийэлэр 50 саастарыгар биэнсийэҕэ тахсыахтарын сөп:

- Уһук Хоту усулуобуйатыгар 12 сылтан кырата суох эбэтэр онно тэҥнэһэр сирдэргэ 17 сылтан итэҕэһэ суох үлэлээбит буоллахтарына;

- Уопсай страховой ыстаастара 20 сылтан итэҕэһэ суох буоллаҕына.

- Уопсай ирдэбилинэн (оҕо ахсаанынан): 3 эбэтэр онтон элбэх оҕолоох ийэлэр (оҕолоро бары 8 саастарын туолбут буоллахтарына, маны тэҥэ ийэ ыстааһа 15 сылтан кырата суох буоллаҕына) биэнсийэҕэ маннык саастарыгар тахсаллар:

- 57 саастарыгар — 3 оҕону төрөтөн ииппит буоллахтарына;

- 56 саастарыгар — 4 оҕолоохтор;

- 50 саастарыгар — 5 уонна онтон элбэх оҕолоохтор.

Инбэлиит оҕолору иитэр төрөппүттэргэ уонна опекуннарга олохтоммут ирдэбиллэр

Оҕо эрдэҕиттэн инбэлиит оҕону 8 сааһыгар диэри ииппит төрөппүттэртэн биирдэстэрэ (ийэтэ эбэтэр аҕата) болдьоҕун иннинэ биэнсийэҕэ тахсар бырааптаах:

- Эр дьон — 55 саастарыгар (страховой ыстаастара 20 сылтан кырата суох буоллаҕына);

- Дьахталлар — 50 саастарыгар (страховой ыстаастара 15 сылтан кырата суох буоллаҕына).

Опекуннарга: Оҕо эрдэҕиттэн инбэлиит оҕону 8 сааһыгар диэри ииппит опекун биэнсийэҕэ тахсар сааһа кыччыыр бырааптаах. Опекуннаабыт хас биир сыл 6 ыйын аайы биэнсийэҕэ тахсар сааһа 1 сылынан көҕүрүүр (ол эрэн 5 сылтан ордук көҕүрүө суохтаах). Манна эмиэ туспа страховой ыстаас ирдэнэр: эр дьоҥҥо — 20 сылтан, дьахталларга — 15 сылтан кырата суох буолуохтаах.