Элбэх кыбартыыралаах дьиэ уопсай туһаныллар миэстэлэригэр малы харайыы бобуллар

РФ Бырабыыталыстыбата 1479 №-дээх уурааҕынан бигэргэппит «Баһаарынай куттал суох буолуутун туһунан» 69 №-дээх федеральнай сокуонунан уонна РФ баһаары утары эрэсиимин Быраабылатынан эвакуация суолларын, эвакуациялыыр уонна аварийнай ааннарга барар суолу, кирилиэс көрүдүөрүн киллэрэн туран, дьону быыһыырга, баһаарынайдар үлэлэригэр мэһэйи үөскэтиэн сөптөөх малынан-салынан бүөлээһин сокуонунан бобуллар. 

Оттон эвакуация суолун кэтитэ, устата тустаах эбийиэк бырайыактааһынын нуормаларынан регламеннанар. Дьиэ үрдүгүттэн уонна олорор дьон ахсааныттан тутулуктанар.

Дьиэ уопсай территориятыгар туора эбийиэктэр бааллара умайан тахсыы кутталын улаатыннарар, дьону көһөрүүгэ мэһэйдэри үөскэтэр, тарҕатар щиттэргэ, баһаарынай кырааннарга тиийиини хааччахтыыр.   

Дьиэ уопсай туһаныллар территориятыгар бөҕү-саҕы мунньуу иһин административнай эппиэттинэс сүктэриллэр: сэрэтии эбэтэр ыстараап. Гражданнар 15 тыһ. солк., дуоһунастаах сирэй – 30 тыһ. солк., оттон урбаанньыт – 60 тыһ. солк. диэри ыстарааптаныахтарын сөп. Өскөтүн баһаарынай куттал суох буолуутун быраабылатын кэһээччи буруйуттан уокка киһи былдьаннаҕына, дьыала холуобунай сокуон нуормаларынан көрүллэр – көҥүлү быһыыга диэри.  

Эппиэтинэһэ суох кыбартыыраны бас билээччи уонна быраабыланы кэһээччи ыал баар түгэнигэр дьиэ-уот иниспиэксийэтин уорганнарыгар үҥсүү түһэриллэр. 

Хаартыска: РФ ЫБМ Саха сиринээҕи кылаабынай управлениетын пресс-сулууспата