Эксээмэн иннигэр туох көҥүллэммэтий?

«Дьоллоох» таҥас

Устудьуон, эксээмэнин ситиһиилээхтик туттарбыт күнүгэр кэппит таҥаһын сууйбакка, ууруна сылдьан, эппиэтинэстээх эрэ күҥҥэ таһааран кэтэр. Итинник «дьоллоох» таҥаһынан сессиятын түмүктээччи элбэх эбит. Өссө сорохтор ситиһиини аҕалбыт уруучукаларын ымыы оҥостоллор үһү.  

Баттаххын сууммаккын...

Эксээмэн иннинэ үгүстэр баттахтарын суумматтар, кырыйтарбаттар, уолаттар бытыктарын хорумматтар. Сураҕа, мунньуллубут билиигин сүтэрэр кутталлаах үһүгүн.   

Дьиэҕэр төннүбэккин!

Туоххун эрэ умуннаххына, дьиэҕэр төннүбэккин. Ол иһин тахсыаҥ иннинэ суумкаҥ иһин үчүгэйдик бэрэбиэркэлэн диэн сүбэлииллэр. Өскөтүн оннук ыксал тирээтэҕинэ, дьиэҕэр киирээт, тута сиэркилэҕэ көрүн уонна бэйэҥ күлүккүн кытта дорооболос.

Устудьуоннар итэҕэйэр билгэлэрэ:

бөҕү тоҕуоҥ, дьиэҕин хомунуоҥ – билиигин «ыһыаҥ»;

бэлэмнэнэ олорон аһыы бараргар кинигэҕин сабан кэбис, үөрэппиккин «сиэн» кэбиһиэҥ;

чугас дьоҥҥун эксээмэҥҥэ олордохпуна миигин үөҕээриҥ диэн көрдөс.