Экосети: Бөх тоҕор контейнер босхо сыбаалка буолбатах

Ол курдук, кытаанах бөҕү тоҕор бункердар тутуу бөҕүнэн, бетонунан, миэбэлинэн, хаппыт отунан-маһынан туолаллара баар суол. Ордук күһүн. Маннык хабааннаах бөҕү бүтүн массыынанан тиэйэн аҕалан, санитарнай туочуканы бүөлүү өрөһөлүүллэр.

Бу түгэн тупсаҕайдык дьаһанан олоруу быраабылатын кэһэринэн, «Экосети» туһааннаах уорганнарга административнай буруйу оҥоруу быһыытынан үҥсэргэ күһэллибит.

Быраабыла быһыытынан, холобур, өрөмүөн, тутуу кэнниттэн тахсар бөҕү анал контейнер сакаастаан тоҕуллуохтаах эбэтэр куорат полигонугар бэйэ күүһүнэн тиэйиллиэхтээх.

Бөх тоҕор контейнердар босхо сыбаалка буолбатах.

Олорор куораппытын, хомунаалынай сулууспалар үлэлэрин харыстыаҕыҥ.

Сөбө суох бөҕү уопсай контейнерга быраҕыы түгэнин «Экосети» электроннай почтатыгар – yaecosety@yandex.ru – хаартысканан уонна тиэхиньикэ нүөмэринэн бигэргэтэн биллэриҥ.