Экология сокуонун кэһии түбэлтэлэрин тыллыыр чат-бот үлэлиир

Көҥүлэ суох сыбаалка чохчолоно сытарын, уу эбийиэгэ, ойуур киртийбитин көрдүҥ? Фекалка суоппара көҥүллэммэт сиргэ кирдээх убаҕаһы сүөкүү турарыгар түбэстиҥ? Онтон да атын айылҕаҕа, тулалыыр эйгэҕэ, дьон олоҕор, доруобуйатыгар куттал суоһуур түгэнин эбэтэр сиэмэх кыыл сылдьарын көрбүт буоллаххына, ону тыллыырга тиэтэй!

СӨ Экологияҕа, айылҕаны туһаныыга уонна ойуур хаһаайыстыбатыгар миниистирэ Евгений Перфильев иһитиннэрбитинэн, "Экобот Якутии" чат-бот үлэлиэҕиттэн номнуо 20 үҥсүү киирбит. 

Кини кэпсээбитинэн, Дьокуускай куорат олохтоохторо чуолаан ассенизатор массыыналар уора-көстө көҥүллэммэт сирдэргэ "көҕүрэттэллэрин" тыллыыллар.

Маныаха миниистир хаартыскаҕа түһэрэн эбэтэр видеоҕа устан, быһыы-майгы буолбут аадырыһын, күнүн-дьылын, тиэхиньикэ нүөмэрин ыйан ыытар биһирэнэрин бэлиэтээн эттэ.

Чат-бот сигэтэ:https://t.me/minecologii_sakha_bot