«Эдэр саас – Хомсомуол»

Уопсайа араас улуустан 20 киһи кытынна. Билиҥҥэ диэри урукку сылларын, эдэр ыччат буола сылдьыбыт саастарын, хомсомуол кэккэтигэр хайдах киирбиттэрин, тугу гыммыттарын өйдүү-саныы сылдьаллара наһаа кэрэхсэбиллээх. Үлэлэр бары да биир тэҥ уһуннар, уус-уран хомоҕой тыллаахтар, ис хоһоонноро да бэйэ бэйэлэригэр маарынныыр курдуктар. Урукку көлүөнэ оҕолоро диэх курдук. Сэбиэскэй кэм саҕанааҕы оҕолору, биһиги көлүөнэни барыбытын да көрсүө-сэмэй майгылаах, үлэҕэ-үөрэххэ бастакы, саамай чиэһинэй, үлэһит, ыарахантан чаҕыйбат буола ииппит биһиги Хомсомуолбут буолар.

Эһиги иннигитигэр кыайыылаахтар уонна Анал ааты ылбыттар:

Гран-при – Надежда Егоровна Зыкова -Сандаара, Дьокуускай

I истиэпэннээх лауреат – Галина Николаевна Егорова, Үөһээ Дьааҥы, Адыаччы нэһилиэгэ, Бөтөҥкөс бөһүөлэгэ

II истиэпэннээх лауреат – Анна Семеновна Данилова-Сарыада, Дьокуускай

III истиэпэннээх лауреат – Туйаара Анатольевна Афанасьева-Туйаарыма, Дьокуускай

I истиэпэннээх диплом –  Николай Васильевич Тимофеев, Бүлүү улууһун Тылгыны нэһилиэгэ

II истиэпэннээх диплом – Анна Степановна Хабарова-Айталы, Нам;

III истиэпэннээх диплом – Светлана Дмитриевна Иванова-Намыына, Мэҥэ Хаҥалас улууһун Догдоҥо нэһилиэгэ.

Анал ааттар:

«Килбиэннээх хардыылаах хомсомуол уол» –  Николай Николаевич Григорьев, Ньурба куората;

«Үлэҕэ, үөрэххэ инники» –  Нюргустаана Ивановна Белолюбская, Үөһээ Дьааҥы улууһун Үҥкүр бөһүөлэгэ;

«Комсомол эдэркээн доҕоро» – Таисия Ивановна Иванова, Ньурба-Дьокуускай;

«Ыарахантан чаҕыйбат хомсомуол» – Пелагея Семеновна Игнатьева-Намыына, Чурапчы;

«Инникилиир кирбиигэ сылдьааччы» – Елена Гаврильевна Копырина-Сайдыына, Уус Алдан улууһа, Бороҕон;

«Эн этиҥ эдэркээн хомсомуол» –  Зоя Ксенофонтовна Мохначевская-Һуойа, Чурапчы;

«Дьулуурдаах хомсомуол» – Мария Семеновна Назарова-Хаачылаана, Мэҥэ Хаҥалас, Бүтэйдээх;

«Хомсомуол аргыстаах, эрчимнээх кыыс» –  Любовь Федотовна Никитина-Тапталаана, Чурапчы-Дьокуускай;

«Эдэрчи эрчимнээх хомсомуол» – Наталья Николаевна Никифорова-Сайыына, Сунтаар;

«Инники кэккэҕэ иһээччи» –  Елизавета Николаевна Осипова-Тупсууна, Ньурба, Чаппанда;

«Көмүс выпуск хомсомуола» –  Евдокия Васильевна Руфова-Екия, Дьокуускай;

«Төлөннөөх сүрэхтээх хомсомуол» – Татьяна Петровна Семенова-Татыйаас, Амма, Чапчылҕан;

«Хомсомуол сирдьиттээх кыыс» – Любовь Николаевна Старостина-Чөрүмчээнэ, Үөһээ Дьааҥы, Чөрүмчэ;

ЭДЭР КЭМНЭРБИТ АРГЫҺА 

Комсомол, эйигин санаатым,

Ахтыбыт санаабын батыһа,

Бу истиҥ иэйиибин анаатым.

Эн модун кэккэҕэр иитиллэн,

Үөрэххэ, сырдыкка тардыһан,

Олоххо суолбутун тэлбиппит,

Бүгүҥҥү түгэҥҥэ кэлбиппит.

Комсомол кыргыттар, уолаттар

Дойдуга төһүү күүс буолтара,

Сүүһүнэн куораты тутаннар,

Дьон-сэргэ махталын ылтара.

Сэриигэ өстөөҕү кыдыйан,

Хорсуннук утары охсуһан,

Бу көҥүл олохпут туһугар

Кинилэр тыыннарын биэртэрэ.

Комсомол, эн мэлдьи эдэргин,

Ыччакка холобур буолаҕын,

Былааххын күөрэччи тутаҥҥын

Өрүүтүн инники сирдиигин.

Эйиэхэ төрөөбүт күҥҥүнэн

Эҕэрдэ бастыҥын ыытабын,

Үйэлэр тухары күлүмнээ,

Үрдүккэ, кэрэҕэ кынаттаа!

Сандаара, Дьокуускай, 2025