Эһиги көмөҕүт кыайыыны чугаһатар!
“Бэйэбит дьоммутун өйүүбүт” диэн волонтерскай бөлөх салайааччыта Римма Моисеевна Бережнева, волонтер Сардаана Егоровна Прокопьева уонна эрэгийиэннээҕи уопсастыбаннай тэрилтэ “Бойобуой дьайыы бэтэрээннэрин” салайааччыта, ИДьМ, СВО бэтэрээнэ, милиция подполковнига, Саха сирин ОМОН-ун төрүттээччитэ Сергей Владимирович Прокопьев буоламмыт холбоһон биир күүһүнэн тэриллэн Анал байыаннай дьайыы бара турар сиригэр, аһаҕас хонуу госпиталларыгар, эвакуационнай биригээдэҕэ, эмп-томп, бэрэбээскилиир маллары хомуйууну саҕалаан сайаапка оҥорбуппут.
Сонно тутатына СӨ “Спид Центр уонна ИЗ” ГБУ салайааччыта Александра Григорьевна Золотарева уонна социальнай аптека дириэктэрэ Татьяна Владимировна Лукавина, “Солнышко” аптека салайааччыта Майя Анатольевна Сухач утары баран көмө оҥордулар.
Махтал тылларын тиэрдиэхпитин баҕарабыт СӨ Доруобуйа харыстабылын миниистирэ Лена Николаевна Афанасьеваҕа уонна тутатына көмөнү оҥорбут тоҕус мэдисиинэ тэрилтэлэригэр. Бу өйөбүл эрэ буолбатах, байыастарга саамай сөптөөх эмтэринэн, бэрэбээскилиир тэриллэринэн уо.д.а. наадалаах малларынан хааччыйдылар.
Биһигини өйөөбүт дьоммутун хайаан да ааттыахпытын баҕарабыт: СӨ ГБУ Суһал көмө станцията; СӨ ГАУ “ЯССЦ”; СӨ ГБУ “Суут-мэдисиинэ экспертизатын Бюрота”, СӨ ГБУ “Дьокуускайдааҕы наркологическай диспансер”; СӨ ГАУ М.Е. Николаев аатынан 1 №-дээх балыыһа; СӨ ГАУ 2, 3 №-дээх балыыһалар; СӨ ГБУ ЯРПИД, Өрөспүүбүлүкэтээҕи спортивнай мэдисиинэ киинэ.
Бу чахчы да суолталаах, дьоһуннаах көмө буолар.
Махтанабыт Саха сирин бары аһыныгас сүрэхтээх, мэлдьитин тиһигин быспакка көмөлөһөр дьоммутугар.
Эһиги көмөҕүт, үтүө санааҕыт инники кирбиигэ сылдьар байыастарбытыгар, эчэйбит дьоммут олохторо уһууругар көмөлөһүө диэн 388,55 киилэ эми-тому байыаннай дьайыы буола турар аһаҕас госпиталларга уонна эвакуация бөлөҕөр, ону таһынан хас ый ахсын гуманитарнай таһаҕаһы “Фонд помощи Донбасса” эмиэ ыытабыт.
Байыастарга маннык көмөнү ыытарга биһигини кытта бииргэ үлэлэһэр, көмөлөһөр, өйөһөр дьоммутугар махтал буоллун!!!
Бөлөх салайааччыта Римма Моисеевна Бережнева
Сонуннар
Ордук ааҕаллар
