«Дыгын оонньуулара– 2026» кыайыылааҕын 10 мөл. солк. тахса суумалаах бириис күүтэр

Ол туһунан ахсынньы 24 күнүгэр спонсор – «СТК 23” хампаанньа дириэктэрэ Анатолий Заболоцкай иһитиннэрдэ.

Дьокуускай куорат физическэй култуураҕа уонна спорка управлениетын начаалынньыга Эдуард Ефимов эбэн эппитинэн, быйылгы муҥутуур кыайыылаах итини сэргэ Алексей Пинигин генеральнай дириэктэрдээх «Прогресс» тутуу хампаанньатыттан 3 мөлүйүөн солк. ылыаҕа.

Бэлиэтээн эттэххэ, «СТК 23» хампаанньа туруорар 40 кв миэтэрэ иэннээх биир хостоох кыбартыырата Бүлүүлүүр суол 4 км тутуллар «Город в парке» комплекс дьиэлэриттэн биирдэстэригэр 15-с мэндиэмэҥҥэ баар. Кыбартыыра бүгүҥҥү сыаната 7 мөлүйүөн 600 тыһ. солк. тиийэн турар. Олорор комплекска бэйэтигэр оскуола, оҕо саада баар буолуохтара.

«СТК 23” хампаанньа дириэктэрэ Анатолий Заболоцкай брифиҥҥэ  бэлиэтээбитинэн, маннык сүүнэ бириистэри олохтооһун спорт национальнай көрүҥнэрин өйүүр уонна сайыннарар сыаллаах ыытыллар. Бүгүҥҥү күҥҥэ быйылгы оонньууларга Николай Матаннанов, Яков Дмитриев уонна Артем Дьяконов путевкалаах олороллор. Сүүмэрдиир күрэхтэһиилэр салгыы Уус Алдан уонна Чурапчы улуустарыгар ыытыллаары тураллар, диэн Олохтоох дьаһалта пресс-сулууспата иһитиннэрэр.