«Дыгын оонньуулара-2026» бары 16 кыттыылааҕа билиннэ

Аны сайын Туймаада ыһыаҕын биир саамай күүтүүлээх-кэтэһиилээх «Дыгын оонньууларын» кыттыылаахтарын үһүс бүтэһиктээх сүүмэрдиир күрэхтэһиитэ ааспыт өрөбүллэргэ Чурапчыга Александр Федотов аатынан спорт комплексыгар буолан ааста.

Санатар буоллахха, маҥнай Дьокуускайга, ол кэннэ Бороҕоҥҥо буолан икки бастакы сүүмэрдиир түһүмэх үстүү кыайыылаахха путевка биэрбитэ. Ону таһынан, ааспыт сыллааҕы «Дыгын оонньууларын» муҥутуур кыайыылааҕа Борис Сдвижков оонньууларга быһалыы кыттар бырааптаах.

Дьэ эрэ, «Дыгын оонньуулара-2026» кыттыылаахтарын билсиэххэ:

1. Борис Сдвижков (Амма)

Бастакы сүүмэрдиир түһүмэх кыайыылаахтара:

2. Николай Матаннанов (Таатта)

3. Яков Дмитриев (Кэбээйи)

4. Артем Дьяконов (Кэбээйи)

Иккис сүүмэрдиир түһүмэх кыайыылаахтара:

5. Тимофей Большаков (Сунтаар)

6. Алексей Созонов (Орто Халыма

7. Алексей Соколов (Сунтаар)

Үһүс сүүмэрдиир түһүмэх кыайыылаахтара:

8. Ариан Мярин (Томпо)

9. Владимир Шологонов (Үөһээ Бүлүү)

10. Юрий Копырин (Чурапчы)

Маны сэргэ 6 боотур рейтининэн, ол эбэтэр очко ахсаанынан кыттар быраабы ылар:

11. Руслан Слепцов (Мэҥэ Хаҥалас)

12. Павел Друзьянов (Чурапчы)

13. Илья Карамзин (Уус Алдан)

14. Александр Пшенников (Өлүөхүмэ)

15. Айсен Семенов (Өлөөн)

16. Иван Степанов (Дьокуускай)

Бэлиэтээн эттэххэ, үһүс сүүмэрдиир түһүмэххэ Дьулустаан Ноговицын (Горнай) уонна Алексей Уваровскай (Кэбээйи) миэстэҕэ тиксэр очкону хомуппакка, быйылгы «Дыгын оонньууларыгар» кыттыбат буоллулар.