Дьоруойдар паарталара национальнай гимназияҕа баар буолла

А.Г уонна Н.К. Чиряевтар ааттарынан Дьокуускай куораттааҕы национальнай гимназияҕа анал байыаннай дьайыы дьоруойдарыгар аналлаах истиэндэни уонна паарталары арыйыыга куорат баһылыга Евгений Григорьевы сэргэ Арассыыйа Дьоруойдара Александр Колесов уонна Николай Евдокимов кыттыыны ыллылар.

Евгений Григорьев бэлиэтээбитинэн, анал байыаннай дьайыы саҕаланыаҕыттан үс сыл иһигэр дойдубутун тэҥэ норуот эмиэ уларыйда.

«Дойдубут көмүскэлигэр бастыҥтан бастыҥнарбыт аттаналлар. Бүгүн биһиги олохторун толук уурбут буойуттарга аналлаах 30-с уонна 31-с паарталары арыйабыт. Кинилэр ааттара хаһан да умнуллуо суоҕа!» – диэтэ Евгений Григорьев.

Арассыыйа Дьоруойа Александр Колесов бэлиэтээбитинэн, Дьоруойдарга аналлаах истиэндэ уонна паарта көннөрү түгэн буолбатах, бу – улуу дьоммут туһунан үйэлэргэ өлбөөдүйбэт  өйдөбүнньүк, диэн иһитиннэрэр Олохтоох дьаһалта пресс-сулууспата.